Mipa leh Hmeichhe Hmasa Ber

HE MILEMAH hian enge danglam? A chhunga mite hi an ni. Mipa leh hmeichhe hmasa berte an ni. Tuin nge siam? Pathianin. A hming i hria em? Jehova a m. Tin mipa leh hmeichhia hi Adama leh Evi vuah an ni.

Hei hi Pathian Jehovan Adama a siam dan chu a ni. Leia vaivut thenkhat a la a, chumi chuan taksa tha famkim, mipa taksa a siam a. Tin mipa hnarah chuan a thaw lut a, tichuan Adama chu alo nung ta a.

Pathian Jehova chuan Adama tan hna a nei. Ramsa chi hrang zawng zawngte hming chu sa turin Adama a hrilh a. Adama chuan an vaia tan hming tha ber a thlan theih nan ramsate chu rei tak a lo en tawh a ni thei. Adaman ramsate hming a sak laiin thil engemaw a hre ta a. Enge ni i hria em?

Ramsate zawng zawng chuan kawppui an nei a. Sai pate leh sainute an awm a, tin, sakeibakneipate leh sakeibakneinute an bawk a. Mahse Adama chuan kawppui tumah a nei lo. Tichuan Jehova chuan Adama chu tui takin a muthilhtir a, a pang aṭangin nakruh a la a. Chu nakruh chu hmangin, Jehovan Adama tân hmeichhia a siam a, a nupui a ni ta a.

Adama chu a va hlim ta em! Chutiang huan mawi deuhva cheng tura dah a ni chu Evi hlim turzia han ngaihtuah teh! Tunah chuan fate neiin hlim takin an cheng dun thei ta.

Jehova chuan Adama leh Evi chu chatuana nung turin a duh a. Leilung pum pui hi Eden huan anga mawia siam turin a duh a. Chumi tih chu an ngaihtuah laiin Adama leh Evi chu an va hlim dawn em! Leilung huan mawi taka siamnaah chuan tel i duh ang em? Mahse Adama leh Evi hlimna chuan a daih rei ta lo. A chhan i hmuchhuak ang u.