Dâʼremmah Carana Kalowarga Bâʼna bisa Odiʼ Sennâng?

1. Arapah parkawinan penting sopajâ kalowarga odiʼ sennâng?

Kabhâr beccèʼ asalla dâri Allah Yèhuwa, Allah sè bahagia. Dâddhi, Gustè Allah terro kalowarga-kalowarga odiʼ sennâng. (1 Timotiyus 1:11, Terjemahan Dunia Baru) Allah Yèhuwa sè nyèptaʼaghi parkawinan. Parkawinan sè essah penting sopajâ kalowarga odiʼ sennâng bân naʼ-anaʼna kèya arassa nyaman. Mangkana, orèng Kristen kodhu naadhi hokom pamarèntah kaangghuy daftarraghi parkawinanna.​—Bâca Lukas 2:1, 4, 5.

Apah pandapaddhâ Gustè Allah tentang parkawinan? Gustè Allah terro sopajâ parkawinan antara lakèʼ bân binèʼ sakalèan kaangghuy salanjhângnga. Gustè Allah terro lakè binè salèng èsto. (Ibrani 13:4) Gustè Allah bâjhiʼ mon bâdâ sè atellak. (Maleakhi 2:16) Namong, mon lakèna otabâ binèna azina, Gustè Allah ngedhinè kaangghuy kabin polè.​—Bâca Matiyus 19:3-6, 9.

2. Daʼremmah carana dâddhi lakèh bân binèh sè pèlak?

Allah Yèhuwa nyèptaʼaghi lakèʼ bân binèʼ kaangghuy salèng abhânto. (Kadhâddhiyân 2:18) Rèng lakèʼ sè dâddhi kapala kalowarga, kodhu nafkahi bân ngajhâri kalowargana tentang Allah Yèhuwa. Lakèh kodhu narèsnaè binèna paghu-ongghu. Lakèh bân binèh kodhu salèng ngormadhi bân narèsnaè sèttong bân laènna. Polana tadâʼ sè samporna, kodhu salèng nyapora. Rowa koncina kalowarga sè sennâng.​—Bâca Èfèsus 4:31, 32; 5:22-25, 33; 1 Petrus 3:7.

3. Mon bâdâ masalah neng kalowarga apah kodhu pèsah?

Mon bâdâ masalah parkawinan, lakèh binèh kodhu ngopajâʼaghi terros narèsnaè sèttong bân laènna. (1 Korintus 13:4, 5) Kètab Soccè taʼ toman nyoro nellak lakèh otabâ binèna bhâkto bâdâ masalah sè umum dâlâm parkawinan.​—Bâca 1 Korintus 7:10-13.

4. Apah sè èkasokannè Gustè Allah ghâbây naʼ-kanaʼ?

Allah Yèhuwa terro naʼ-kanaʼ sennâng kèya. Gustè Allah aberriʼ nasèhat sè palèng beccèʼ sopajâ naʼ-kanaʼ ngodâ bisa odiʼ sennâng. Gustè Allah terro naʼ-kanaʼ ngodâ naadhi orèng towana polana lebbhi bicaksana bân bânnyaʼ pangalamanna. (Kolose 3:20) Allah Yèhuwa terro naʼ-kanaʼ ngodâ ngalakonè apah sè nyennângaghi Allah Yèhuwa.​—Bâca Pangkhotbah 11:9–12:1; Matiyus 19:13-15; 21:15, 16.

5. Apah sè èbhutowaghi naʼ-kanaʼ dâri orèng towa sopajâ sennâng?

Orèng towa kodhu ngopajâʼaghi kakanan, roma, bân klâmbhi kaangghuy naʼ-anaʼna. (1 Timotiyus 5:8) Namong, naʼ-kanaʼ kèya kodhu èajhâri narèsnaè bân ajhâr dâri Gustè Allah, sopajâ odiʼ sennâng. (Èfèsus 6:4) Carana Sampèyan narèsnaè Gustè Allah bisa dâddhi conto anaʼna Sampèyan. Mon pangajhârânna èdhâsaraghi dâri Kètab Soccè pangarona bhâgus ghâbây anaʼ Sampèyan.​—Bâca Olangan 6:4-7; Bangsalan 22:6.

Nasèhat bân alemman Sampèyan bâdâ manfaaddhâ ghâbây naʼ-kanaʼ. Naʼ-kanaʼ kèya bhutoh èteggur mon taʼ toroʼ ocaʼ. Nasèhat orèng towa bisa ngalindungè sopajâ naʼ-kanaʼ taʼ alakoh bhudhu. (Bangsalan 22:15) Namong, orèng towa jhâʼ nyakèʼè atèna anaʼna kalabân kasar.​—Bâca Kolose 3:21.

Saksè-Saksè Yèhuwa aghâbây bânnyaʼ buku khusus kaangghuy abhânto orèng towa bân naʼ-kanaʼ. Ku-buku rèya èdhâsaraghi dâri Kètab Soccè.​—Bâca Jabur 19:7, 11.