PANGAJHÂRÂN 10

Ibâdâ sè Dimmah sè Ètarèma Gustè Allah?

1. Apah ghun sèttong ibâdâ sè ètarèma Gustè Allah?

Jesus teaching — ”Patè-ngatè ngadhâbbhi bhi-nabbhi palsu.”—MATIYUS 7:15.

Nabi Isa ngajhâri ka rèng-orèng sè narèsnaè Gustè Allah jhâʼ ghun bâdâ sèttong ibâdâ, otabâ sèttong aghâma sè bendhâr. Nabi Isa ngompamaaghi èngaʼ jhâlân sè nojjhu odiʼ salanjhângnga. Nabi Isa ngocaʼ jhâʼ ’sakonèʼ orèng sè nemmoh’ jhâlân rèya. (Matiyus 7:14) Gustè Allah ngasokannè ibâdâ sè èdhâsarè Kètab Soccè. Rèng-orèng sè ajhâlânnaghi ibâdâ rowa noroʼè kasokanna Gustè Allah.—Bâca Yahya 4:23, 24; 14:6; Èfèsus 4:4, 5.

2. Apah sè Nabi Isa kocaʼaghi tentang orèng Kristen palsu?

A religious leader speaking in church. Later he is blessing soldiers at war. — ”Rèng-orèng jârèya ngakoh kennal ka Gustè Allah, tapè lalakona mongkèrè Gustè Allah.”—TITUS 1:16.

Nabi Isa aberriʼ tao jhâʼ bâdâ bhi-nabbhi palsu sè marosaʼ ajhârân Kristen. Mon ètèngghu, rèng-orèng rowa ajhâlânè ibâdâ sè bendhâr. Ja-gerejana ngako Kristen. Tapè, dâri dimmah kaulâ onèng mon rèng-orèng jârèya ngalakonè ibâdâ sè bendhâr? Rèng-orèng sè ngalakonè ibâdâ sè bendhâr bisa ètèngghu dâri sifat bân tèngka ghulina.—Bâca Matiyus 7:13-23.

3. Dâʼremmah tandhâna orèng sè ibâdâna bendhâr?

Bâdâ lèmaʼ tandhâna:

Parcajâ ka Kètab Soccè, polana Kètab Soccè dhâbuna Gustè Allah. Rèng-orèng jârèya odiʼ manorot tontonanna Kètab Soccè. Dâddhi, aghâma sè bendhâr taʼ padâ biʼ aghâma-aghâma laènna sè èdhâsarè biʼ pèkkèran manossa. (Matiyus 15:7-9) Orèng sè ibâdâna bendhâr odiʼ sasuai kalabân apah sè èajhâraghi.—Bâca Yahya 17:17; 2 Timotiyus 3:16, 17.
Ngormadhi asmaNa Gustè Allah, yâ-arèya Yèhuwa. Èngaʼ nabi Musa bân Daud kennal bân aghunaʼaghi asma jârèya. (Kalowaran 3:15; Jabur 8:2). Nabi Isa kèya ngormadhi asmaNa Gustè Allah kalabân aberriʼ tao orèng laèn. Nabi Isa abhânto rèng-orèng kennal ka Gustè Allah bân ngajhâri adhuâ sopajâ asmaNa Gustè Allah èmoljhâʼaghi. (Matiyus 6:9) Neng kennengngânna Bâʼna, sapah sè aberriʼ tao ka orèng laèn tentang asmaNa Gustè Allah?—Bâca Yahya 17:26; Roma 10:13, 14.
Ngabhâri orèng laèn tentang Karajaan Gustè Allah. Allah Yèhuwa ngotos Nabi Isa ka bhumè kaangghuy ngabhâri kabhâr beccèʼ tentang Karajaan. Sampèʼ ka sèdhâna, Nabi Isa ngabhâraghi mon ghun Karajaan Gustè Allah tong-sèttongnga arâbbhân kaangghuy manossa. (Lukas 4:43; 8:1; 23:42, 43) Nabi Isa ngocaʼ ghun morèddhâ sè ngabhâraghi jârèya. Mon bâdâ orèng sè èntar ka Bâʼna bân nyarètaʼaghi Karajaan Gustè Allah, apah aghâmana?—Bâca Matiyus 24:14.
Taʼ roʼ-noroʼ urusân dunnya. Bâʼna ghâmpang ngennalè rèd-morèddhâ Nabi Isa polana taʼ roʼ-noroʼ politik bân konflik sosial. (Yahya 17:16; 18:36) Salaèn jârèya, rèd-morèddhâ Nabi Isa taʼ alakoh jhubâʼ èngaʼ rèng-orèng è dunnya rèya.—Bâca Yakobus 4:4.
Salèng narèsnaè satarètanan. Dhâbuna Gustè Allah ngajhâri kaangghuy ngormadhi orèng dâri sakabbhina suku. Orèng sè aghâmana palsu roʼ-noroʼ otabâ adukung perrang. Mon rèd-morèddhâ Nabi Isa taʼ roʼ-noroʼ. (Mikha 4:1-3) La-mala rèd-morèddhâ Nabi Isa ikhlas aghunaʼaghi bâkto bân bhândhâna kaangghuy abhânto sarta alèpor orèng laèn.—Bâca Yahya 13:34, 35; 1 Yahya 4:20.

4.Bâʼbisaah Bâʼna ngennalè aghâma sè bendhâr?

Manorot Bâʼna, aghâma sè dimmah sè kabbhi ajhârânna èdhâsaraghi Kètab Soccè, ngormadhi asmana Gustè Allah, bân ngabhârraghi Karajaan Gustè Allah tong-sèttongnga arâbbhân manossa? Aghâma sè dimmah sè salèng narèsnaè bân taʼ roʼ-noroʼ perrang?—Bâca 1 Yahya 3:10-12.

Ghâbây katerrangan salanjuddhâ, tèngghu bab 15 buku Apa yang Bisa Kita Pelajari dari Alkitab?