In che tzaj tkʼiwlaʼn Dios qeju in che onin kyiʼj txqantl

Twitz tkyaqil Txʼotxʼ, nim xjal mintiʼxix kywa ex mintiʼ kyja. Ateʼ junjun oʼkx kyaj tuʼn tten jun qʼuqbʼil kykʼuʼj. ¿Tzeʼn jaku qo onin kyiʼj tuʼntzun qtzaj tkʼiwlaʼn Dios?

AJU IN TZAJ TQʼAMAʼN TYOL DIOS

«Aju xjal in xi tqʼoʼn tkotz jun xjal mebʼa, mer ik tzaʼn tchʼex Qman in xi tqʼoʼn, ex tuʼnx Qman kʼajel tqʼoʼn t-xel te» (PROVERBIOS 19:17).

¿TIʼ JAKU BʼANT QUʼN TUʼN QONIN KYIʼJ TXQANTL?

Tqʼama Jesús jun txʼolbʼabʼil tiʼj jun xjal tzyet kyuʼn eleqʼ ex chʼixme kyim (Lucas 10:29-37). Kubʼ tyekʼin jun stranjer xjal tbʼanel tmod tukʼil, weʼ jatumel taʼtoq xjal ex onin tiʼj.

Nya oʼkx ok tqʼanin ex onin tiʼj tukʼil pwaq, sino ax ikx bʼant juntl tiʼ tuʼn tuʼntzun tqʼanit xjal.

¿Tiʼ xnaqʼtzbʼil in nel qiʼn tiʼj txʼolbʼabʼil lu? Kyaj t-xnaqʼtzaʼn Jesús qa il tiʼj tuʼn qonin kyiʼj txqantl qa jaku bʼant quʼn (Proverbios 14:31). In tzaj tqʼamaʼn Xjan Uʼj qa toj chʼintl ambʼil kʼelel tiʼn Dios yajbʼil ex mebʼayil moqa prowil. Noqtzun tuʼnj, ¿tzeʼn kbʼantel tuʼn ex jtoj? Kyolil juntl xnaqʼtzbʼil kyiʼj kʼiwlabʼil tzul tqʼoʼn Dios teya.