Bʼaʼn tuʼn tajbʼen jw.org quʼn toj pakbʼabʼil: «Tzʼoka te tamiw Jehová»

Toj jw.org ex atz toj «Qe uʼj» ateʼ qe video kye kʼwaʼl aju tok tbʼi «Tzʼoka te tamiw Jehová». (Toj español nya oʼkx ateʼ video, ax ikx ateʼ bʼitz ex junjuntl aqʼuntl.) ¿Ope tzʼajbʼenxi jlu quʼn toj pakbʼabʼil? Qa ateʼ junjun xjal in che xnaqʼtzan qukʼil tiʼj Tyol Dios ateʼ kykʼwaʼl moqa kyal, bʼaʼn tuʼn t-xi qyekʼun kye. Mintiʼ bʼiʼn quʼn qa a jlu jaku tzʼonin tiʼj xjal tuʼn tokx toj juntl xnaqʼtzbʼil tkubʼ toj qtembʼil toj Internet.

Tej t-xi tqʼoʼn jun erman tal uʼj Tqanil Tkawbʼil Dios tajlal 38 te jun xuʼj ateʼtoq tal, tojx ambʼil aju ok naj ten uʼjil te uʼj. Ax ikx kye kʼwaʼl kyajtoq tuʼn tok kyojtzqiʼn tiʼ tkuʼx toj uʼj. Xitzun tchikʼbʼaʼn erman toj chʼin yol alqiʼj in yolin uʼj ex xi tyekʼun kye aju dirección te qtembʼil toj Internet, aju tkubʼ t-xe t-xaq uʼj. Tuʼnju tbʼanel ela toj twitz xuʼj, ajbʼen ambʼil lu tuʼn erman tuʼn t-xi tyekʼun kye kykyaqil jun kyxol qeju video te Caleb toj kʼuxbʼil qʼiʼntoq tuʼn.

Jun ermana yolin tiʼj jw.org tukʼil jun tukʼil xuʼj toj aqʼuntl aju ateʼ tal. Xi tqʼamaʼn te qa tojju tembʼil te Internet lu ok kanetel onbʼil tuʼn aju nim toklen kye ja xjal. Aju xuʼj lu okx toj qtembʼil toj Internet junx kyukʼe qe tal. Yajxetl, xi tqʼamaʼn xuʼj te ermana qa atz ja in che bʼitzintoq tal tiʼj bʼitz «Predica la palabra», aju tkubʼ toj español, aju tkubʼ toj xnaqʼtzbʼil «Hazte amigo de Jehová».

Nim toklen tuʼn kukx tok qqʼoʼn qwitz tiʼjju tkubʼ toj xnaqʼtzbʼil «Hazte amigo de Jehová» toj jw.org ex tuʼn kykutz qiʼn junjun video, bʼitz ex junjuntl aqʼuntl. Qa ma bʼant jlu quʼn, kbʼel qbʼinchaʼn qten tuʼn tajbʼen aju tbʼanel xnaqʼtzbʼil lu quʼn toj pakbʼabʼil. A jlu jun tbʼanelxix onbʼil, aju kʼonil qiʼj tuʼn qok te jun tbʼanel tmajen Qajaw (Hech. 20:19).