¿Tiʼ xnaqʼtzbʼil in nel qiʼn kyiʼj bʼitz?

¿Alkyeqe bʼitz mas tgana kyxol qeju ateʼ toj JW Broadcasting^®? ¿Tiquʼn tgana? ¿In kubʼpe t-ximana qa in netz yekʼin aju in bʼaj toj qanqʼibʼil kyoj video tukʼil bʼitz? Tuʼnju in che yolin bʼitz kyiʼj nim tiʼchaq ex ateʼ junxichaq tqʼajqʼajel twi tchnabʼ, at jun mas qgan. Noqtzun tuʼnj, nya oʼkx tuʼn qtzalaj jun rat kyuʼn bʼitz ex kyuʼn video.

Kykyaqil bʼitz in tzaj kyqʼoʼn jun xnaqʼtzbʼil qe tiʼj qanqʼibʼil ex tiʼj pakbʼabʼil. At junjun in che yolin tiʼj tuʼn qbʼinchan xtalbʼil, tuʼn tten mujbʼabʼil qxol, tuʼn tten qipumal, kyiʼj qamiw, tiʼj kʼujlabʼil ex tiʼj qʼuqbʼil qkʼuʼj. Atzun junjuntl in che yolin tiʼjju tuʼn qmeltzʼaj tukʼil Jehová, tuʼn tkubʼ qnajsaʼn kyil txqantl, tuʼn qten tzʼaqli tkyaqil qʼij ex tuʼn qximen tiʼj tzeʼn tuʼn qajbʼen mas te Jehová. Axpe ikx, at jun bʼitz in yolin tiʼj tzeʼn jaku tzʼajbʼen celular quʼn toj tumel. ¿Tiʼ xnaqʼtzbʼil o tzʼel tiʼna kyiʼj bʼitz?

OTOQXI TZʼOK TKEʼYINA VIDEO NQAYIN TAʼ QʼIJ, TZAQʼWENTZA QE XJEL LU:

• ¿Alkye tziybʼil in ximen jun mejebʼleʼn tiʼj, aju ya ma tijen? (Gé 12:3).

• ¿Tiʼ jaku bʼant quʼn tuʼntzun tok qeʼxix qkʼuʼj tiʼj qa che japunel twi tyol Jehová?

• ¿Alkyeqe che okel qkeʼyin toj chʼintl ambʼil?

• ¿Alkye tten in che onin qe yol e kyaj qʼamaʼn tiʼj Tkawbʼil Dios tuʼn kukx kyikʼx nya bʼaʼn quʼn toj ambʼil jaʼlo? (Ro 8:25).