Junjun nabʼil tuʼn qxnaqʼtzan

¿Alkyeqe xnaqʼtzbʼil nim toklen tuʼn qxnaqʼtzan tiʼj?

Bʼisbʼajil tuʼnju nya nim ambʼil at qiʼj tuʼn qxnaqʼtzan tiʼj Tyol Dios ik tzeʼn qaj. ¿Tiʼ jaku tzʼonin qiʼj tuʼn tajbʼen ambʼil quʼn toj tumel? Tnejel, qo ximen tiʼj tzeʼn tuʼn tajbʼen ambʼil quʼn. Mas bʼaʼn tuʼn qxnaqʼtzan tiʼj chʼin tqanil ex tuʼn qximen tiʼj twitzju tuʼn tjaw quʼjin nim xnaqʼtzbʼil.

Yajxitl, ximana tiʼj tiʼ taja tuʼn tkubʼ t-xnaqʼtzaʼna (Efes. 5:15, 16). Jaku bʼant jlu tuʼna:

• Uʼjina tiʼj Tyol Dios tkyaqil qʼij (Sal. 1:2). Tuʼn t-xi tzyet tuʼna, jaku xnaqʼtzana kyiʼj capítulo in che kubʼ xnaqʼtzet kyoj chmabʼil in nok txolxe seman.

• Bʼaʼn tuʼn kyjaw tuʼjina qe xnaqʼtzbʼil che kbʼel xnaqʼtzet kyoj chmabʼil, ik tzeʼn tkuʼx toj uʼj Aju Xqʼuqil ex aju tqanil kbʼel xnaqʼtzet kyoj chmabʼil txolxe seman. Aj t-xnaqʼtzana, bʼaʼn tuʼn t-ximana tiʼj qa kxel tqʼoʼna jun tyola kyoj chmabʼil (Sal. 22:22).

• Qa at mas ambʼil tiʼja tuʼn t-xnaqʼtzana, uʼjinktza junjuntl uʼj ik tzeʼn qe revista in che kubʼ bʼinchaʼn kye xjal, qe video ex qe xnaqʼtzbʼil in che kubʼ qʼoʼn toj jw.org.

• Jaku xnaqʼtzana tiʼj jun tqanil taja tuʼn tel tnikʼa tiʼj. Bʼaʼn tuʼn t-xi tjyoʼna mas tqanil qa in nok weʼya twitz jun problem, qa taja tuʼn tel mas tnikʼa tiʼj jun xnaqʼtzbʼil moqa taja tuʼn tkanet tzaqʼwebʼil tiʼj jun xjel tuʼna. Jaku kanet junjuntl tumel tuʼna tzeʼn tuʼn t-xnaqʼtzana qa ma txi tjyoʼna libro «Qe xnaqʼtzbʼil jaku jatz wiʼne toj Tyol Dios» toj jw.org.