2. Ri potka pjøsʼꞹbi

¿PJE NEE RA MAMAYO?

Yo ya chjꞹntꞹ ke potka pjøsʼꞹbi ngejebi nzakja na piloto ñe na copiloto ke pjøsʼꞹbi ja nee ra mebi, dya kjijñitsjɇbi pje ra tsjabi, nzayebi pjøsʼꞹbi zø ra tsjogꞹbi ndumꞹ.

NE BIBLIA JIZHI: “Ngekʼua dya kja ri yeje, ya ri natjo o̱ tsʼingebi kʼua.” (Mateo 19:6).

“Nzayebi ra pɇpjibi ngekʼua ra bʼꞹntjobi na joo” (Christopher).

¿PJENGA ME NA MUBIYO?

Ma yo ya chjꞹntꞹbi dya ra potka pjøsʼꞹbi, ma ra tsjogꞹbi ndumꞹ, ra chamabi ñe dya ra jyodʼꞹbi ja rga jokꞹbi yo ndumꞹ, ra tsjapꞹbi xe nda na sʼɇzhi.

“Me na mubi ke yo ya chjꞹntꞹ ra potka pjøsʼꞹbi, ma in xira ñezgø dya ro potka pjøskʼøbʼe je nzikja ke ri yeje ntee ke ri minkʼøbʼe​kja ngumꞹ pe dya søø ra potka pjøskʼøbʼe pa ra juajnꞹbʼe pje ra kjabʼe” (Alexandra).

¿PJE SØØ RI TSJAA?

ÑUU JA GA NGETSʼKʼE

• ¿Gi mange ke nu merio ke gi to̱nkje ngextrjo nge in tsjakje?

• ¿Ni jyodʼꞹ ri bʼꞹntsjɇ ngekʼua ri to̱jia?

• ¿Dya søø ri joo ko o pjamilia ni suu o ni xira zø angezeji me joji na joo?

RI ÑAGEBIYO KO NI SUU O NI XIRA

• ¿Pje nge kʼo nrra me na joo ri potka pɇkjøbi?

• ¿Pje nge kʼo mazi ra kjabi na joo?

• ¿Pje kʼo ra kjabi ngekʼua ra potka pɇkjøbi na joo?

NU KʼO SØØ RI TSJAA

• Ri tsjijñi ke yo a chjꞹntꞹ nge nzakja ma ra eñeji tenis, ¿pje søø ri tsjabi ngekʼua ri tsjabi equipo, ri potka pjøsʼꞹbi ñe dya naño rgi eñebi?.

• Dya ri tsjijñi ja rgi cho̱jo̱tsje, ri tsjijñi ja rgi cho̱jo̱gebi.

“Dya ni mubi kjo nge kʼꞹ pɇsʼi razón, nu kʼo me na mubi nge ke ri jogebi” (Ethan).

NE BIBLIA JIZHI: “Dya ngetjo kja in bʼɇpjiji ri jyodʼꞹ ri pɇpjiji. Xo ri jyonkʼeji ja rgi pøtꞹ rgi pjøsʼꞹji” (Filipenses 2:​3, 4).