Ëxpëjkën 1

Wiˈix mbäät xynyijawë ti Dios tsyojkypy ets xytyunët

Wiˈix mbäät xynyijawë ti Dios tsyojkypy ets xytyunët ¿Ti oyˈäjtënë xytyukmëmaytyakëmë Biiblyë? (1)

¿Pënë wyinmäˈäny ijtp kujayë mä Biiblyë? (2)

¿Tiko mbäät xyˈëxpekyë Biiblyë? (3)

1. Tadë Biiblyë yëˈë Dios të xynyamoˈoyëm ets mbäät nmëjjäˈäm. Dëˈën extëm tuˈugë uˈunk teety diˈib tsojkp tjäˈäyë noky ets ttuknigexyë yˈuˈunk yˈënäˈk. Nandëˈënë Biiblyë nyimaytyakypyë Dios tëyˈäjtën: pën yëˈë ets wiˈix yˈixëtyë yˈanaˈamën. Nyimaytyakypy wiˈix mbäät mbatëmë jotkujkˈäjtën diˈib jajkp ets wiˈix nyaˈoˈyëmë amay jotmay. Yëˈëyë Biiblyë diˈib xyˈanmäˈäyëm ti mbäät nduˈunëm etsë Dios nyajjotkujkˈäjtëm (Santya̱ˈa̱gʉ 1:25; Diˈibʉ Jatanʉp [Apocalipsis] 1:3).

2. Ko yajjääytsyoˈonyë Biiblyë ja nety tyëgoyˈaty naa 1,500 jëmëjtën parë Kristʉ kyëdäˈägët, ets jyejky parë yajjääytyaajy naa 1,600 jëmëjtën, tjääytyë 40 yetyëjk. Tmëminy 66 liibruˈunk. Dios yëˈë wyinmäˈänymyoojy ja jaabyëty, o ja tuknax njënäˈänëm yëˈë kyujäˈäyëdë Diosë wyinmäˈäny, kyaj tkujäˈäyëdë kyëˈëm winmäˈäny. Päätyë Biiblyë yëˈë Diosë jyaaybyajtën kyaj yëˈëjëtyë naxwinyëdë jäˈäy (2 Timotee 3:16, 17; 2 Peedrʉ 1:20, 21).

3. Dios naytyuknipëjkë etsë Biiblyë mëdëy yajjääynyaxët ets kyaj pën wiˈix ttunët. Yëˈë Biiblyë waanë niˈigyë kujk nyikojtuˈuty ets kyaj dyëˈënëtyë wiingatypyë liibrë. Ko xyˈëxpëkëdë Biiblyë kyaj niˈamukë jäˈäy tˈoyˈixäˈäny, per katë xynyaˈixy ets ti myajtuˈudukëdët. Net xypyäädëdë jukyˈäjtënë winë xëë winë tiempë ko xyˈixyˈatëdë Dios ets xytyuunëdë tsyojkënë oy mdimˈyajtukmëtsipˈatët (Matewʉ 5:10-12; Fwank 17:3).