Yaˈixëdë ko mtsojkypyë Dios

Pën myajjakaambyë mnaymyayë mët tuˈugë jäˈäy, tsojkëp mëët mgäjx maytyäˈägët. Mëdoogukëp wiˈix jyënaˈany ets nandëˈën yëˈë myëdoogukëp wiˈix mjënäˈäny. Nan oy xynyimaytyäˈägët mä wiink jäˈäy. Nandëˈën jyaty pën nyajjakäˈänëmë naymyayë mëdë Dios. Ok ix wiˈixë Biiblyë jyënaˈany tii mbäät xytyuny parë xyajjakëdë mnaymyayë mëdë Dios.

Mënuˈkxtäˈäk xëmë Jyobaa. Nuˈkxtäˈäk «bom bom xyˈawdatëdë Dios» (Romʉ 12:12).

Käjxë Biiblyë, Diosë yˈAyuk. «Pes, Dios këˈëm wyinmäˈänymyoojy ja kyugäjxpëty es ttukˈaneˈemy es tkëxjäˈäyët tëgekyë diˈibë ndukxëˈäjtëm ja Diosë jyaaybyajtën. Es tëgekyë tadë Diosë jyaaybyajtën tuumbë oy es nyaˈëxpëjkëm, es ndukˈanaˈamëm, es nyaˈoˈyëm.» (2 Timoté 3:16.)

Tukniˈixë wiink jäˈäy diˈib mä Dios. «Pes, nëjxtë yaˈëxpëktë jäˈäyëty oy myääty mä tëgekyë naxwinyëdë [...]. Es tukniˈixëdë es tkuytyunët tëgekyë diˈibëts ëj miitsëty ndukˈanaˈamdëp.» (Matewʉ 28:19, 20.)

Mëwingonë Diosë myëtnaymyaayëbëty. «Niˈigyë xypyanëjxët ja tyuˈunënëty ja diˈibë myëduundëbë Dios bom bom amumduˈukjot es dëˈën tyam tˈaxäjëdë ja kyumäˈäny diˈibë Dios oj twandaˈaky.» (Ɛbreʉźʉty 6:12.)

Nëjx mä tadë Tëjk mä yˈËxpëktë. «Mbäät nayaˈijt nayajxoˈonëm nixim niyam es nduˈunëm yajxon, naytsyojkëm nixim niyam.» (Ɛbreʉźʉty 10:24, 25.)

Pudëkë Diosë tyuunk mëdë meeny sentääbë. «Niduˈuk niduˈugëty miitsëty mbäät xyˈayakëdë tyäˈädë naybyudëkë extëm ja Dios mwinmäˈänymyoˈoyëdë. Per dëˈën mbäät extëmë mgëˈëm tsojkën es kyaj aguanëbën, mët ko Dios tsyejpy diˈibë yajkypy tii mët winë jyot.» (2 Korintʉ 9:6, 7.)