¿Ti xytyukniˈˈijxëm ja mëj Ayoˈonduu?

Dios ojts dyajkutëgoy ja axëkjäˈäytyëjk, per yajnitsokë Noé mëdë fyamilyë (2 Peedrʉ 2:5, 6)

Ja tyuuy 40 xyëë, 40 kyoots ets tukëˈëyë ja Naxwinyëdë nyipaˈtstääy. Ta yˈoˈktääytyë ja axëkjäˈäy.

Ets ja axëk anklës, ta ttsëmëˈktë jatëgokë nyiniˈx kyëbäjk extëmë anklës ets jyëmbijttë kaˈoybyëty.

Yëˈëyë tsokwëˈëmdë diˈibë nety jap yajpattëp mä arkë. Ets oyë Noé mëdë fyamilyë ojts yˈooktë ok, Dios yajjukypyëkanëdëp parë jyukyˈattët winë xëë.

Dios yajkutëgoyaampy jatëgokë axëkjäˈäy ets dyajnitsoˈogäˈäny ja oyjyaˈay (Matewʉ 24:37-39)

Satanás mëdë kyaˈoybyëty axtë tyambäädë naxwinyëdë jäˈäy twinˈëëndë.

Tyam mayë jäˈäy kyaj tmëmëdowdë Jyobaa, duˈun extëm mä jyukyˈajtyë Noé. Tim tsojkë Jyobaa dyajkutëgoyaˈanyë axëkjäˈäy (Lukʉs 17:26, 27).

Per ta näägë jäˈäy diˈib duˈun extëm ja Noé, myëdooˈijttëp wiˈixë Dios jyënaˈany ets tyuundëp. Tyäˈädë jäˈäyëty yëˈë Jyobaa tyestiigëty.