¿Pënaty myëmëdoodë Dios mä ja mëj Ayoˈonduu?

Mä Noé jyukyˈajty mayë jäˈäy axëëk yˈadëtstë (Génesis 6:5)

Adán mëdë Eva pyattë yˈuˈunk yˈënäˈk, ta jäˈäy ojts nyimayë yä Naxwiiny. Ok, ta näägë anklës tpuwäˈkëdë Satanás ets tnibëdëˈktë Dios.

Ta kyëdaktë yä Naxwiiny ets dyajjëmbijttë nyiniˈkx kyëbäjk extëmë yetyëjk parë mbäät pyëktë mëdë toxytyëjkëty. Ta ja toxytyëjkëty tpattë yˈuˈunk yˈënäˈk tëgatsyaty, jantsy kumëjääjëty ets mëk axëkjäˈäyëty.

Ta ja Naxwinyëdë tyuktujky mëdë axëkjäˈäy. Biiblyë jyënaˈany: “Ja naxwinyëdë jäˈäy niˈigyë dyajmëjwindëjkëdë axëkˈäjtën” ets yëˈëyë wyinmääytyëp ttunäˈändë ja axëkˈäjtën.

Noé myëmëdoo Dios ets kyoj ja arkë (Génesis 6:13, 14, 18, 19, 22)

Noé oyjyaˈay yˈijty. Ojtsë Jyobaa yˈanëˈëmxëty ko dyajminäˈänyë mëj Ayoˈonduu parë dyajkutëgoyaˈanyë axëkjäˈäy.

Dios ojts tˈanëëmë Noé ets dyajkojët tuˈugë mëj barkë, diˈib xyëˈäjt arkë, ets jap dyajtëkëdë fyamilyë ets kexy kaˈpxyë jëyujk.

Noé nan tyukˈawäˈänë jäˈäy ko myinäˈäny ja Ayoˈonduu, per yëˈëjëty kyaj tmëdooˈijttë. Näägëty tnëxik ttukxiktë Noé, ets näägëty tˈaxëkˈijxtë.

Ko Noé tkojˈabejty ja arkë, ta dyajtëjkëtyaay ja jëyujk animal.