¿Ti tsojkëp nduˈunëm parë Dios xytyukjotkëdakëm?

Nˈokjëjpkudijëmë axëkˈäjtën (1 Korintʉ 6:9 10)

Pën ntsojkëmë Jyobaa, ta kyaj nduˈunëm diˈib yëˈë yˈaxëkˈijxypy.

Jyobaa kyaj ttseky nmaˈtsëm, nayajmuktëgoˈoyëm o njëˈxëmë droogë.

Dios yˈaxëkˈijxypy ko jäˈäy tsyëënë ak yetyëjk, ko yajjäˈäyˈooky ets ko maxuˈunk dyaˈooky mä kyajnëmë xyëë pyoˈo tpääty. Nan kyaj tˈoyˈixy ko jäˈäy tˈatsoktë tijaty o ko nyaytsyiik nyaygyoxëdë.

Kyaj mbäät nˈawdäjtëmë awinax o nduˈunëmë brujëˈäjtk.

Kyaj jyamˈatäˈänyë jäˈäy diˈib tyuumbyë axëkˈäjtën ko natyë tyäˈädë Naxwinyëdë jyëmbity tsuj.

Nˈoktukmëduˈunëmë jäˈäy diˈib oy (Matewʉ 7:12)

Parë Dios xytyukjotkëdakëm tsojkëp njäˈäyˈäjtëm extëm yëˈë.

Nyaˈijxëmë tsojkën mët ko nˈijtëm oyjyaˈay ets ko nyäjkëm tijaty.

Kyaj yˈoyëty nˈandakëm.

Nˈoknimaytyakëmë Diosë yˈayuk (Romanʉs 10:13-15).

Nˈokpaˈˈayoˈojëm ets nˈokpokymyaˈkxëm.