¿Wiˈix mbäät xyajnigëxeˈeky ko mbuwäˈkëbë Jyobaa?

Puwäˈägë Dios (1 Peedrʉ 5:6-9)

Jotmëkˈäjtënë tsojkëp parë kyaj xytyunëdë kostumbrë diˈibë Biiblyë kyaj tniˈanaˈamë.

Kyaj xytyuktëk xytyukwäˈägëdë politikë diˈibë naxwinyëdë jäˈäy tyuundëp, pes yëˈëjëty kyaj tpuwäˈägëdë Jyobaa etsë yˈAnaˈamën.

Pëjtäˈägë mwinmäˈäny ets xymyëdooˈitët wiˈixë Dios mmëgajpxyëty (Matewʉ 7:24, 25)

Tuˈukmuk mëdë Jyobaa tyestiigëty, yëˈëjëty mbäät mbudëkëdë parë xymyëwingonëdë Dios.

Akˈixyˈäjtˈadëˈëtsë Dios ets tunë mëjää parë xymyëmëdowëdë yˈanaˈamën.

Ko netyë mëbëjkënë të xyajkëktëkë, ta netë Jyobaa mnaytyukëdëkëdët ets mnëbatët (Matewʉ 28:19).

Mëdow wiˈixë Dios mmëgajpxyëty. Käjpxë Biiblyë, anëëmë Jyobaa tyestiigëty parë mbudëkëdët ets xyjaygyukët. Ta net xykyuytyunët diˈib mˈëxpejkypy. Pën mduumpy duˈun, nëjkxëp mjukyˈaty winë xëë (Fwank 17:3).