¿Ti Dios tsyojkënyëʼajtypy?

Dios tsyejpy ets tuʼugyë njukyʼäjtëm mä ja lugäärë tsujpë agujk jotkujk ets xëmëkyëjxm yä Naxwiiny.

Per waʼandaa mwinmay: “¿Wiʼix duʼun yʼoktun yʼokjatëdët?”. Biiblyë jyënaʼany ko Diosë yʼAnaʼam Kyutujkën yëʼë duʼun tyunaampy. Jyobaa tsyejpy ets niʼamukë jäʼäy tnijawët ets tijaty tyuknibëjtakëp parë naxwinyëdë jäʼäy (Salmo 37:11, 29; Isaías 9:7).

Dios tsyejpy ets oy nʼijtëm.

Duʼun extëm tuʼugë uʼunkteety diʼib oyjyaʼay tyukmëtsejpyë oyʼäjtënë yʼuʼunk yʼënäʼk, nanduʼunë nDeetyʼäjtëm tsäjpotmëdë, tsyejpy ets xëmë njotkujkʼäjtëm (Isaías 48:17, 18). Yëʼë jyënaʼany ko “diʼibë kyuytyiimpy ja Diosë tsyojkën, [itëp] winë xëë winë tiempë” (1 Fwank 2:17).

Dios tsyejpy ets nduʼuyoʼoyëm mä nyëʼë tyuʼu.

Biiblyë jyënaʼany ko Jyobaa yëʼë xytyukniʼʼixëyäʼänëm “ja nyëʼë tyuʼu” parë yëʼë nʼyoʼoyëm (Isaías 2:2, 3). Yëʼë të twinʼixy “tuʼugë käjpn diʼib myënëjkxëp ja xyëë” parë abëtsemy naxwinyëdë jäʼäy tnijawët ti tyunaampy (Hechos 15:14, Traducción del Nuevo Mundo [NM]).

Dios tsyejpy ets tuʼukmukyë nʼawdäjtëm.

Relijyonk diʼib tëyʼäjtën kyaj jäʼäy dyajnaywyaʼkxyëty, niʼigyë yajtuʼukmukëdë tsojkën (Fwank 13:35). ¿Pënaty tyam yaʼëxpëjktëbë jäʼäy abëtsemy nyaxwinyëdë parë tuʼugyë tmëdundëdë Dios? Parë xynyijawët wiʼix yaʼʼatsoojëmbity, oy ko xyʼëxpëkëdë tyäʼädë foyetë.