Jyëjpkëxy

¿Mjamyejtsypy näˈäganäˈäty wiˈix jantsy jotkujk mnayjäˈäwë ko myajpaty mëdë wiinkpë Dios mëduumbë? Waˈan kyaj xyjyaˈaytyëgoy tuˈugë asamblee, wiˈix mbudëjkë ko tëgok ojts mnëjkxy mä nduˈukmujkëm, wiˈix maytyaky mët tuˈugë nmëguˈukˈäjtëm o tuˈugë eksperiensyë diˈib mëdäjt mä ojts mgäjpxwaˈkxy. Tyäˈädë yëˈë yaˈijxëp ko kyaj të xyjyaˈaytyëgoyë Jyobaa. Etsë Jyobaa, nan kyaj të mjäˈäytyëgoyëty ets jyamyejtsypy wiˈix xymyëduuny. Pääty mbudëkëyanëp parë jatëgok xynyijëmbitët.

Jyobaa këˈëm jyënaˈany: “Nˈëxtäˈäyaambyëts ja nborreegëts etsëts nguentˈatäˈany. Nguentˈataambyëts ja nborreegëts extëm tuˈugë borreegë kuentˈäjtpë diˈib yˈëxtaapy ja byorreegë diˈib të yoˈoytyëgoy ets dyajjëˈxy dyajpëky. Nyaˈˈawäˈätspëtsëmaambyëts mä ja it lugäär mä të yoˈoytyëgoytyë” (Ezequiel 34:11, 12).