REBISTË DIˈIB YAˈËXPËJKP

Mä tyäˈädë artikulo kanäk pëky tnigajpxy tiko Testiigëty yˈittë seguurë ko të tpäättë ja tëyˈäjtën. Nan nyimaytyakypy tiko mayë jäˈäy nanduˈun wyinmaytyë.

Niˈamukë nbatëmë ayoˈon jotmay mä jukyˈäjtën. Ets mët ko jyaatyë Satanás ta tˈijxmatsyë nmëbëjkënˈäjtëm, duˈun ko nidëyë xynyibëdëˈkëm ets duˈun ko kyaj nbëjkëmë kuentë. Tyäˈädë artikulo xypyudëkëyäˈänëm wiˈix mbäät nˈëxkäjpëm ko Satanás xynyibëdëˈkëm parë nˈijtëm listë ets nwinguwäˈkëm.

Tääk teety yëˈë nyikëjxmˈäjttëp etsë yˈuˈunk yˈënäˈk “dyajˈyaak dyajpattët mä Jyobaa jyëjwijtsëmbijtën etsë yˈëwij kyäjpxwijën” (Efes. 6:4, TNM). Tyäˈädë artikulo tëgëk pëky tnigajpxy ti mbäät ttunyë tääk teety parë ttukniˈˈixëdët ja yˈuˈunk yˈënäˈk ets ttsoktëdë Jyobaa.

¿Tiko naxwinyëdë jäˈäy yˈooktë? ¿Wiˈix jyëjptëgoyaˈany “ja okpë mëtsip”, ja oˈkën? (1 Kor. 15:26.) Extëm yaˈˈatsoojëmbityë tyäˈädë yajtëˈëwën yëˈë xytyukˈijxëm ko Jyobaa tyuumbyë tëyˈäjtën, myëdäjtypyë wijyˈäjtën ets diˈib mas yaˈijxëp yëˈë ko xytsyojkëm.

Nuˈun kujkë tiempë pyety kyuˈty, të mayë nmëguˈukˈäjtëm tˈyoxtë jyukyˈäjtënë mä Jyobaa tyuunk oy tpäättë kanäk pëkyë amay jotmay. Tyam nan taaˈäjtpë nmëguˈukˈäjtëm diˈib duˈun tuundëp. ¿Wiˈix mbäät nbudëjkëm ko duˈun mëk tyundë? (1 Tes. 1:3.)