TIJATY YAJPATP MÄ BIIBLYË TSOBATP MËJWIIN KAJAA | ISAÍAS 1-5
“Nˈokpatëjkëm mä Jyobaa kyopk”
2:2, 3
“Mä nety ja tiempë jyëjpkëxanë” |
Yëˈë diˈib tyam ndukjukyˈäjtëm. |
“Mä ja kopk mä Jyobaa tyëjk yˈity” |
Yëˈko yaˈˈawdatyë Jyobaa tëyˈäjtën myëët. |
“Jam myinäˈändë tukëˈëyë nasionk” |
Pënaty yˈawdäjttëbë Jyobaa tëyˈäjtën myëët, tuˈugyë yajpäättë. |
“Mindë nˈokpatëjkëm mä Jyobaa kyopk” |
Pënaty yˈawdäjttëbë Jyobaa tëyˈäjtën myëët, wyoow wyijtstëbë jäˈäy parë mëët tuˈugyë yajpäättë. |
“Yëˈë xytyukniˈˈixëyäˈänëm ja nyëˈë tyuˈu ets nnëˈëyoˈoy nduˈuyoˈoyëm mä nyëˈë tyuˈu” |
Mët yëˈëgyëjxmë Biiblyë, Jyobaa xytyukniˈˈijxëm ets xypyudëjkëm parë njukyˈäjtëm extëm yëˈë ttukjotkëdaˈaky. |
2:4
“Kyaj pën tnekynyiˈëxpëkëyaˈanyë tsip” |
Isaías tnimaytyaˈaky ko tukëˈëyë tujn pujxn jyëmbitäˈäny extëmë tuumbajn diˈib yajtuknaxtuump parë dyaˈijxë ko Diosë kyäjpn tuˈugyë yˈitäˈäny. ¿Tijaty ijtyë jäˈäy yajtuundëp ja tiempë mä jyukyˈajtyë Isaías? |
“Yajjëmbitandëbë yˈespäädë extëmë aräädë” |
1 Ja aräädë yëˈë diˈibë nax yajˈyuˈungëp ets dyajjëmbity, tam ijty diˈib pujxn (1 Sam. 13:20). |
“Lyansë extëm diˈibë ujts yajtukwimbujxp” |
2 Ja diˈibë ujts yajtukwimbujxp, waˈan dyuˈunëty extëm tuˈugë matsyetë ajoˈkn diˈib jantsy jëjp. Yëˈë ijty yajtuundëp parë uubës ttukwimbuxtë (Is. 18:5). |