WIˈIX JYUKYˈATYË DIOS MËDUUMBË

**Jat wiˈix oy xytyunëdë Diosë tyuunk: Yajtunë liibrë “Nayaˈitëdë xëmë mä ja Diosë tsyojkën” parë jäˈäy xyjotjäˈtët**

TIKO JYËJPˈAMËTY: Tsojkëbë jäˈäy tnijawëdë Jyobaa yˈanaˈamën ets tkuytyunët parë yëˈë ttukjotkëdäˈägët extëm myëdunyëty (Is. 2:3, 4). Yëˈë liibrë “Diosë tsyojkën”, yëˈë myëmajtskpë liibrë diˈibë jäˈäy yˈëxpëjkypy, pudëjkëp parë tnijawëdë Diosë kyäjpxwijën diˈib mbäät dyajtuny tuˈuk tuˈugë xëëw (Eb. 5:14). Pääty jëjpˈam nduˈunëmë mëjääw ets njotjäjtëm ja diˈib nyaˈëxpëjkëm, net ko dyajtëgatsëdë jyukyˈäjtën, ttunët duˈun mët ko ttsekyë Jyobaa (Rom. 6:17).

Tuˈugë toxytyëjk tˈëxpëkyë Biiblyë mët tuˈugë nmëguˈukˈäjtëm

WIˈIX NDUˈUNËM:

Ëxpëk jawyiin. Winmay wiˈix yajpudëkëyaˈany ja diˈib myaˈëxpëjkypy. Yajtëw tijaty parë xynyijawët wiˈix tˈixy ti jam yˈëxpëjkypy ets wiˈix nyayjawëty (Prov. 20:5; be-S paj. 259).
Yajtunë rekuäädrë parë xypyudëkët ets tˈixët wiˈix yajtukˈoyˈaty ko yajkuytyunyë Biiblyë kyäjpxwijën.
Pudëkë ja diˈib myaˈëxpëjkypy parë këˈëmë jyot wyinmäˈäny dyajˈyoˈoyët mä tijaty tyunaampy, per kyaj xyˈanëëmët ti tyunëp (Gál. 6:5, TNM).
Ix pën ak yajpudëkëyäämp ja diˈib myaˈëxpëjkypy parë tkuytyunëdë Biiblyë kyäjpxwijën. Tsuj yajxon xyˈanëëmët parë nyayajtëgatsëdët mët ko ttsekyë Jyobaa (Prov. 27:11; Fwank 14:31).