WIˈIX JYUKYˈATYË DIOS MËDUUMBË
Tääk teety, mbäät nanduˈunë mˈuˈunk mˈënäˈk yˈittë wijy
Tuk pëky wiˈix mbäät ja mˈuˈunk mˈënäˈk yˈittë wijy Dios windum, yëˈë ko nyaytyukpudëkëdët tijaty näjxp mä reunyonk. Tijaty yˈijxtëp, myëdoowdëp ets kyomentaräjttëp mä reunyonk mbäät pyudëkëdë parë tˈixyˈattët mas niˈigyë Jyobaa ets nyaymyaaybyëkëdët mëët (Deut. 31:12, 13). Per ¿wiˈix mbäät xypyudëkëdë ja mˈuˈunk mˈënäˈk parë ttukˈoyˈattët tijaty näjxp reunyonk?
Tundë mëjääw ets xywyoownëjkxtët mä ja reunyonk tyunyëty (Sal. 22:22).
Nasˈixëdë ja mˈuˈunk mˈënäˈk ets dyajnaxtëdë tiempë mëdë nmëguˈukˈäjtëm mä kyatsondaˈakynyëm ja reunyonk ets mä të jyëjpkëxy (Eb. 10:25).
Ix parë niˈamukë tmëdattët tijaty yaˈëxpëkäämp reunyonk (mbäät tmëdattë ja lyiibrë etsë ryebistë, o tˈixtë mä selulaar o tabletë).
Pudëkëdë ja mˈuˈunk mˈënäˈk parë kyomentarattët kyëˈëm ääw kyëˈëm ayuk (Mat. 21:15, 16).
Xëmë nigäjpx nimaytyäˈäktë wiˈix oy të tyunyëty ja reunyonk ets tijaty jap të njäjtëm.
Pudëkë ja mˈuˈunk mˈënäˈk parë nanduˈun dyajwäˈätstët ja jëën tëjk mä nˈëxpëjkëm ets kyäjpx myaytyäˈäktët mëdë nmëguˈukˈäjtëm mëdiˈibë të myëjjäˈäyëndë.
Parë xypyudëkëdët ja mˈuˈunk mˈënäˈk ets tmëwingondëdë Jyobaa, mëk mdunäˈäny ets myajnimëjääwdäˈägaampy. Per mbäät mˈity seguurë ko Jyobaa mbudëkëyanëp, kyaj mnaˈixäˈänyëty (Is. 40:29).
KO NETY TË YAˈIJXTÄˈÄYË BIDEO TÄÄK TEETY, ITTË SEGUURË KO JYOBAA MËJÄÄWMOˈOYANËDËP, TA YAˈˈATSOOWËMBITËT MËDIˈIBË YÄÄ YAJTËËPY:
¿Ti jotmayë nety pyattëbë Miguel mëdë Lidia ko jyantsy yˈanuˈkxëndë?
¿Tiko mbäädë uˈunktääk uˈunkteety tˈamdowdë Jyobaa parë myëjääwmoˈoyëdët?
¿Ti tyuundë Miguel mëdë Lidia parë nyaygyubëjkëdë mä Jyobaa?