¿Myëbëjktëbë Jyobaa tyestiigëty ko Dios jeˈeyë ojts dyajkojˈyë Naxwinyëdë tëdujk xëë?

Kyaj. Jyobaa tyestiigëty nmëbëjktëbëts ko Dios yëˈë diˈib yajkojtääy tukëˈëyë, per kyajts nmëbëktë ko jeˈeyë tëdujk xëë ojts dyajkojy. ¿Tiko? Yëˈko pënaty duˈun myëbëjktëp kyaj tyuˈugyë mët extëmë Biiblyë tyukniˈˈixë. Min nˈokˈijxëm majtsk pëky.

1. Tëdujk xëë jyejky mä kyojtääy. Näägë jäˈäy jyënäˈändë ko tyäˈädë tëdujk xëëbë, tuk xëëjaty ja jyejky 12 oorë xëëny ets 12 oorë koots. Per ko Biiblyë dyajtunyë tyäˈädë ayuk xëë, mbäät niˈigyë jyeky (Génesis 2:4; Salmo 90:4).

2. Nuˈun kujk yˈityë Naxwinyëdë. Ja tuk pëky diˈib myëbëjktëp, yëˈë ko Naxwinyëdë kyajnëm nëgoo yˈity kanäk mil miyonk jëmëjt. Perë Biiblyë jyënaˈany ko Naxwinyëdë ets tukëˈëyë tijaty jam tsäjpotm tamyëmë nety mä tijaty kyakojynyëm tëdujk xëë (Génesis 1:1). Päätyë Jyobaa tyestiigëty kyupëjktëp extëmë ëxpëkyjyaˈay jyënäˈändë ko Naxwinyëdë waˈan kujk yˈity kanäk mil miyonk jëmëjt.

Jyobaa tyestiigëty nmëbëjktëbëts ko kojtääy tijaty jaˈäjtp ets kyajts njëjpkugäjpxëdë extëmë ëxpëkyjyaˈay jyënäˈändë. Niˈigyëts nmëbëktë ko tuˈugyëbë Biiblyë mët tijaty yˈëxpëjkpëtsëëmdëp.