¿Yäjktëbë diesmë?

Kyaj, Jyobaa tyestiigëty kyajts nyaktë diesmë. Yëˈë tuumbë meeny sentääbë diˈib tsojkëngyëjxm yajˈyäjkp ets diˈib kyaj yajnijawë pën yajkypy parë yajtuny ja tuunk. Per ¿mä tsyoonyë kostumbrë ko jäˈäy dyaktë diesmë, ets tiko Jyobaa tyestiigëty kyaj tpanëjkxtë tyäˈädë kostumbrë?

Ja Ley diˈib yajmooytyë israelitëty ojts tniˈanaˈamë ets yajmoˈoytyëdë diesmë ja saserdotëty, duˈunë meeny sentääbë ets tijaty myëdäjttëp. Perë Biiblyë yajxon tnigajpxy ko kyaj tiko nyekyyajmëmëdowëdë tyäˈädë Ley. Pääty tyam kyaj nekyyajtukˈanaˈamëm nyäjkëmë diesmë (Ebreeʉsʉty 7:​5, 18; Kolosʉ 2:​13, 14).

Jyobaa tyestiigëty kyajts nyajtukˈanaˈamdë nyaktëdë diesmë ets ni ofrendë, duˈunëts ndundë extëm pënaty tim jawyiin ojts tpanëjkxtë Jesus. Yëˈëjëty majtsk pëky dyäjktë nyaybyudëkë mä ja naymyujkën: dyäjktë meeny sentääbë tsojkëngyëjxm ets ko ojts kyäjpxwäˈkxtë ets tyukniˈˈijxëdë Diosë yˈayuk namayˈäjtën.

Yëˈëts nmëmëdoodëp extëmë Biiblyë jyënaˈany: “Niduˈuk niduˈugëty miits xyaktët ja mbudëjkën extëmë naty të xytyukniwinmayëdë, kyaj majtsk ää majtsk jot es kyaj aguanëbë, mët ko Dios tsyejpy ko ti yajˈyaky xondaˈakyˈää xondaˈakyjyot” (2 Korintʉ 9:7).