¿Tuundëbë toxytyëjk?

Tuundëp. Niˈamukë Jyobaa tyestiigëty ëwäˈkx käjpxwäˈkxtëp ets miyonkˈamë toxytyëjk diˈib nanduˈun tuundëp. Biiblyë jyënaˈany: “Yëˈë toxytyëjkëty diˈib kyäjpxwäˈkxtëbë oybyë ayuk, nimay yëˈëjëty” (Salmo 68:11).

Yëˈë pyanëjkxëdëbë yˈijxpajtënë ja toxytyëjkëty diˈib kyaj tmastuttë Dios diˈib yajmaytyakp mä Biiblyë (Proverbios 31:10-​31). Oy kyaj tnikëjxmˈattë tuunk mä naymyujkën, tyukˈijt tyukxoondëp ko nyëjkxtë ëwäˈkx käjpxwäˈkxpë ets kyuytyuundëp diˈib nyikëjxmˈäjttëp mä ttukniˈˈixëdë yˈuˈunk yˈënäˈk ja käjpxwijënë diˈib mä Biiblyë (Proverbios 1:8). Ets mëdë yˈää yˈayuk ets tijaty tyuundëp tpudëkëdë wiinkpëty (Titʉ 2:​3-5).