¿Jantsy jamënë Dios?

Biiblyë tˈatsoowëmbity

Biiblyë nyimaytyakypy yajxon tiko mbäät nmëbëjkëm ko jantsy tamënë Dios. Nenduˈun xytyukniˈˈijxëm ko parë nmëbëjkëm ko jantsy tamë Dios, jëjpˈam ets nyajtuˈunëm ja njotˈäjt “nwinmäˈänyˈäjtëm” ets kyaj nnaytyukwinˈëˈënëm diˈib tyamë relijyonk tukniˈˈijxëdëp (1 Fwank 5:20; Romanʉs 12:1). Min nˈokˈijxëm wiˈixë Biiblyë tnimaytyaˈaky ko jantsy tamënë Dios.

• Ko tëgokyë yˈity tukniwits tuknimäˈkxë yä Naxwiiny ets jam tsäjpotm, yëˈë xytyukˈijxëm ko tam pën ojts dyajkojy. Biiblyë jyënaˈany: “Tëgekyë tëjk, tam diˈibë yajkojëp. Nandëˈën jäjtpë dëˈënë Dios diˈibë yajkoj nëˈën tëgekyë jyaajëty” (Ebreeʉsʉty 3:4). Mbäät yajmëdoy ko jantsy adëyë extëmë Biiblyë tnimaytyaˈaky, per mayë ëxpëkyjyaˈaytyëjk nan kyupëjktëp ko tyëyˈäjtënëty.a

• Naxwinyëdë jäˈäy xëmë nnijawëyäˈänëm tidën ko të nmiˈinëm yä naxwiiny, ets awäˈäts tukwäˈätspëm nnayjyäˈäwëm ko kyaj nnijäˈäwëm. Niˈigyë jyëjpˈamëty nnijäˈäwëm ets kyaj dyuˈunëty ko nmoˈoyëm ja niniˈkx këbäjk tijaty yajtëgoyˈajtypy, ets yëˈën diˈibë Biiblyë myaytyakypy ko nyajtëgoyˈäjtëmë Dios. Tyäˈädë yëˈë yˈandijpy ko njantsy ixyˈatäˈänëm ets nˈawdatäˈänëm (Mateo 5:3, Traducción del Nuevo Mundo; Diˈibʉ Jatanʉp o Apocalipsis 4:11). Ko naxwinyëdë jäˈäy tjawë ko yajtëgoyˈajtypyë Dios, yëˈë xytyukˈijxëm ko jantsy tam tuˈugë Dios diˈib tsojkp, diˈib ojts xyajkojëm parë nˈixyˈatäˈänëm ets duˈun nnayjyäˈäwëm agujk jotkujk (Matewʉ 4:4).

• Tëgokyë diˈib ojts yajnaskäjpxë mä Biiblyë adëëwdääy ko ja tiempë nyajxy. Ko yˈadëëwdääy, ta yajxon nyigëxuty ko kyaj yëˈë naxwinyëdë jäˈäy tjaˈajëty (2 Peedrʉ 1:21).

• 

  Pënaty jyaaytyë Biiblyë, nyijäˈäwëdëbë nety diˈib apenënëm ja jäˈäy yˈëxpëjkpëtsëmandëp. Extëm nˈokpëjtakëm, näägë jäˈäy duˈunë nety wyinmaytyë ko tyäˈädë Naxwinyëdë yëˈë päˈtënääyëp tuˈugë elefantë, tuˈugë toorë, tuˈugë ujtsˈëtsëm o jamë wiinkpë jëyujk animal. Tim tëgatsy extëmë Biiblyë tnimaytyaˈaky, pes jap jyënaˈany ko Dios duˈunyë “dyajtëëynyë naxwinyëdë” pojjoty (Job 26:7). Ets ko Biiblyë tnimaytyaˈagyë tyäˈädë Naxwinyëdë nenduˈun jyënaˈany ko pik (Isaías 40:22). Pääty, mayë jäˈäy jyënäˈändë ko pënaty jyaaytyë Biiblyë yëˈënë Dios ojts wyinmäˈänymyoˈoyëdë.

• Biiblyë yˈatsoowëmbijtypy tijaty mayë jäˈäy nayajtëëwëdëp diˈib kyaj tmëbëktë Dios, extëm: Pënë Dios oyjyaˈay ets kumëjää, ¿tiko nëgoo yˈokjaˈäjnë ayoˈon jotmay etsë axëkˈäjtën? ¿Tiko mayë relijyonk dyajjaˈˈatyë amay jotmay? (Titʉ 1:16.) Extëmë Biiblyë tˈatsoowëmbityë tyäˈädë yajtëˈëwën etsë wiingatypyë, mbäät mbudëkëty ets xymyëbëkët ko tamë Dios.