¿Tim jëjpˈamëdaa ndukˈijtëm tuˈugë relijyonk?

Biiblyë tˈatsoowëmbity

Jëjpˈam, yëˈko Dios tsyojkypy ets tyuˈukmuktët pënaty awdäjtëdëp. Biiblyë jyënaˈany: “Nˈokˈëxtäˈäyëm ja winmäˈäny es nnaybyudëjkëm nixim niyam es nmëdäjtëm waanë niˈigyë tsojkën es nduˈunëm diˈibë oy. Näägëty kyaj nyekynyaymyukëdë mët ja myëˈˈëxpëjkpëty. Kyaj nˈadëtsëm extëm yëˈëjëty” (Ebreeʉsʉty 10:24, 25).

Jesus jyënany ko ja yˈëxpëjkpëtëjkëty tsojkëbë nety tyuˈukmuktët mëdë myëguˈuktëjk, jyënany: “Pën mnaytsyojkëdëp miitsëty nixim niyam, net nidëgekyë ja jäˈäy tnijawëdët kots ëj miits nˈëxpëjkpëˈattë” (Fwank 13:35). Parë mbäät dyajnigëxëˈëktë yäˈädë tsojkën, jëjpˈamë nety tyuˈukmuktët mët ja myëguˈuktëjk, yajtukniwitsët kanäägë kongregasionk mä xëmë tyuˈukmuktët parë Diosˈawdattët (1 Korintʉ 16:19). Ets tuˈugyë mët ja myëguˈuktëjk abëtsemy nyaxwinyëdë nyayaˈitëdët (1 Peedrʉ 2:17).

Kyaj jeˈeyë tsyokyëty ndukˈijtëm tuˈugë relijyonk

Biiblyë jyënaˈany ko tsojkëbë jäˈäy tyuˈukmuktët parë tˈawdattëdë Dios. Per nimää kyajënäˈäny ko Dios kyupëjkypyë jäˈäy ko jeˈeyë yeˈey mä tuˈugë relijyonk, tsojkëbën dyajnigëxëˈëgët mä jyukyˈäjtën ko kyuytyuumpy. Extëm nˈokpëjtakëm, Biiblyë jyënaˈany: “Ja relijyonk mëdiˈibë ja nDeetyˈäjtëmë Dios yajnäjxypy wäˈäts ets kyaj yˈaxëëgëty, yëˈë ko yajkuentëˈatët ja kuˈookyˈuˈungëty, ja kuˈookytyoxytyëjkëty ko tpäättëdë ayoˈon jotmay, ets kyaj xyyajmäˈtëm ja naxwinyëdë jäˈäy” (Santiago 1:27, TNM, notë).