¿Wiˈix njäjtëm ko nˈoˈkëm?

Tadë oˈkënë tim tëgatsyëˈë mëdë jukyˈäjtënë. Dëˈën extëm ko njantsy myëk mäˈäjëm (Fwank 11:11-14). Yëˈë oˈkpëty kyaj mbäät kyäjxtë, myëdowdë, yˈixtë ets nitii tkawinmaytyë (Eclesiastés 9:5, 10). Tadë relijyonk diˈib kyaj tyëyˈäjtënëty jyënaˈany ko oˈkpë nyëjxtë jukyˈäjtpë mä yajpäättë yˈaptëjkë yˈanmë. Perë Biiblyë kyaj dëˈën tyukniˈixë.

Tadë jäˈäyëty diˈib të yˈoˈknëdë kyaj mbäät xypyudëjkëm o xyˈaxëktuˈunëm. Janääm jatsojkë jäˈäy ttundë tijaty mä oˈkpë, twinˈyox twinoˈoktë tmëbëktë ko tyäˈädë tyukjotkëdakypyë oˈkpë. Perë tyäˈädë kostumbrë kyaj tkupekyë Dios, yëˈko jam myiny mä tuˈugë Satanasë myay anëë. Ets nan kyaj ttukjotkëdaˈaky ja jäˈäyëty diˈib të yˈoˈknëdë, pes yëˈëjëty kyaj nyeky jyukyˈattë. Kyaj mbäät ntsëˈkëm ets kyaj mbäät nˈawdäjtëmë oˈkpë. Yëˈëyë mbäät nˈawdäjtëmë Dios (Matewʉ 4:10).

Yëˈë oˈkpëty jukypyëkandëp jatëgok. Ta tiempë miny kyëdaˈaky, mä Jyobaa dyuxäˈänyë oˈkpëty ets jyukyˈattët mä tuˈugë it lugäärë tsujpë yä Naxwiiny (Fwank 5:28, 29; Apóstʉlʉty 24:15). Dios mbäät dyuxyë jäˈäyëty diˈib të yˈoˈknëdë dëˈën extëm ëtsäjtëm mbäät nyujxëm ko pën myaˈajy (Markʉs 5:22, 23, 41, 42).

Kaˈoybyë Satanas yëˈëdënë wyinmäˈäny ko jyënaˈany ko kyaj nˈoˈkëm, ets yëˈë tuˈugë anëë diˈib mayë jäˈäy tyukmëbejkypy. Satanas mëdë kyaˈoybyëty yëˈën yajwinmääytyëbë jäˈäy ko yˈanmëtyë oˈkpë jukyˈäjttëp ets ko nan yajkypyë amay jotmay o yupäˈäm. Satanas wyinˈiˈmbyë jäˈäyëty, mët yëˈëygyëjxmë tsuu kumäˈäy o ko dyaˈijxmäˈäty. Päätyë Jyobaa tyukumëdowaampy pënaty jamaytyäˈägandëp mëdë oˈkpë (Deuteronomio 18:10-12).