Yajnimaytyaktsoonyë myëduˈuk pëkypyë

Biiblyë yëˈë myaytyaktsoˈompy tijatyë Jyobaa ojts dyajkojy, wiˈix jantsy oy tsuj tijaty ojts dyaˈoyë, duˈun jam tsäjpotm ets yä naxwiiny. Pën mijts jamë mˈuˈunk mˈënäˈk, pudëkë parë dyajtsobäättët wiˈixë Diosë kyojy pyëjtaˈaky yˈixëty kexy kaˈpxy. Tukmëtmaytyäˈäktë ko Jyobaa tim tëgatsy ojts dyajkojˈyë naxwinyëdë jäˈäy mëdë jëyujk animal, pesë jäˈäy mbäät kyäjpx myaytyäˈäktë, wyinmaytyë, dyajkojtë tijaty, yˈëw yäˈäxtë ets nyuˈkxtäˈäktë. Pudëkëdë mˈuˈunk mˈënäˈk parë tˈixtët wiˈixë Jyobaa tmëdatyë wijyˈäjtën etsë mëkˈäjtën, ets diˈib mas mdukjaygyukëdëp, yëˈë wiˈix të dyaˈixyëtyë tsyojkën mä tukëˈëyë kyojy pyëjtaˈaky axtë mä niduˈuk niduˈuk ëtsäjtëm.