Jat wiˈix oy xytyunëdë Diosë tyuunk: ko xymyëtmaytyäˈägëdë jäˈäy diˈib wiink ayuk käjpxp

Tiko jyëjpˈamëty. Jyobaa tsyejpy ets niˈamukë jäˈäy yajpudëkët parë yˈixyˈatëdët oy mä tsyoondët (Apos. 10:34, 35). Jesus jyënany ko ja oybyë ayuk “yajkäjpxwäˈkxäˈäny abëtsemy nyaxwinyëdë” ets mä “tukëˈëyë nasionk” (Mat. 24:14, Traducción del nuevo Mundo). Zacarías nanduˈun ojts tnaskäjpxë ko ja jäˈäyëty “diˈib mä tukëˈëyë ayuk diˈib kyäjpxtëbë nax käjpn” tˈaxäjëyäˈändë ja oybyë ayuk (Zac. 8:23). Etsë apostëlë Juan, nan yˈijx mä tuˈugë kumäˈäy ko pënaty tsokwëˈëmandëp mä ja mëk ayoˈon, yëˈë ja jäˈäyëty diˈib tsoˈondëp “mä maygyäjpn, mä [....] may ayuk käjxpëty, es mä maynyaxwinyëdë” (Diˈibʉ Jat. 7:9, 13, 14). Extëm nˈijxëm, tsojkëbë net ndukmëtmaytyakëmë Diosë yˈAyuk ko nbatëmë jäˈäy diˈib wiink ayuk käjpxp.