WIˈIX JYUKYˈATYË DIOS MËDUUMBË
Të yajtukniwitsë parë ngäjpxwäˈkxëm abëtsemy nyaxwinyëdë
Duˈun extëmë Jyobaa ojts dyaˈity ja Israelitëty tukniwits ttuknimäˈkxë, nanduˈun tyamë nyax kyäjpn yˈity. Abëtsemy nyaxwinyëdë yajtukniwits yajtuknimäˈkxë wiˈix yajkäjpxwaˈkxy ja oybyë ayuk, duˈun Betel, mäjaty ja sirkuitë, tuˈukmujkën ets mä tyuˈukmuktë ja nmëguˈukˈäjtëm tuk grupaty parë nyëjkxtë käjpxwäˈkxpë, ets nanduˈun mä yajkajpxyë wiink ayuk (Diˈibʉ Jat. 14:6, 7).
¿Të näˈä xywyinmay xyjatäˈänyë wiink ayuk parë jäˈäy xytyuknijawët ja tëyˈäjtën? Pën kyaj xymyëdatyë tiempë, mbäät mbudëkëtyë aplikasion JW Language parë xyjatët wiˈixë jäˈäy xymyëtmaytyaktsoonët. Ko duˈun xytyunët, jantsy agujk jotkujk mnayjyawëyaˈanyëty extëm ja Dios mëduumbëty diˈib mä primer siiglë. Yëˈëjëty ojts ttukmëtmaytyäˈäktë “ja mëjˈäjtën” diˈibë Dios tyuumpy pënatyë nety tsoˈondëp wiink it wiink naxwinyëdë ets kyäjpxtë wiink ayuk (Apos. 2:7-11).
KO NETY TË YAˈIJXTÄˈÄYË BIDEO NAYMYAYËDË MËDË JYOBAA: KÄJPXWÄˈKX WIINK AYUK, TA YAˈˈATSOOWËMBITËDË TYÄˈÄDË YAJTËˈËWËN:
¿Näˈä mbäät nyajtuˈunëmë aplikasion JW Language?
¿Wiˈix yˈixëtyë tyäˈädë aplikasion?
Tsojkëp yajtuknijawëdët ja oybyë ayuk niˈamukë jäˈäy oy ti ayuk tkäjpxtët.
¿Tijaty ayukë jäˈäy kyäjpxtëp mä territooryë?
¿Ti mbäät nduˈunëm pën yˈoymyëdoopy tuˈugë jäˈäy ja oybyë ayuk per wiink ayuk kyajpxy? (od-S kap. 9 parr. 39-41).