¿Ti diˈibëts mas jëjpˈam nbëjtakypy?

Jacob tsiptuun mët tuˈugë anklës parë ojtsë Jyobaa kyunuˈkxyëty, diˈib mëjwiin kajaa yajtsobat (Gén. 32:24-31; Os. 12:3, 4). ¿Ets ëtsäjtëm? ¿Nbëjtäˈägäˈänëm ja jot mëjääw parë Jyobaa nmëmëdoˈowëm ets xykyunuˈkxëm? Extëm nˈokpëjtakëm, ¿ti ndunäˈänëm ko nyajtukwinˈijxëm pën nëjkxäˈänëm reunyonk o pën nmëwëˈëmëyäˈänëm ja tuunk ayoˈon? Pën nmoˈoyëmë Jyobaa ja tiempë, jot mëjääw, etsë meeny sentääbë, ta mëjwiin kajaa xykyunuˈkxäˈänëm ets nitii xykyatëgoyˈatäˈänxëm (Mal. 3:10). Jyobaa yëˈë xynyëˈëmoˈoyäˈän xytyuˈumoˈoyäˈänëm, xykyuwäˈänäˈänëm ets yˈixaampy parë kyaj tii xytyëgoyˈäjtxëm (Mat. 6:33; Eb. 13:5).

KO NETY TË YAˈIJXTÄˈÄYË BIDEO KËDII XYJYAˈAYTYËGOY EXTËM TË XYTYUKNIBËJTÄÄGË JYOBAA XYMYËDUNÄˈÄNY, TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Ti jotmay pyat tuˈugë nmëguˈukˈäjtëm?

• 

  ¿Tiko tuunk ayoˈon mbäät xyyajtuˈuˈadujkëm?

• 

  Timoteo jantsy oyë nety Dios mëduny ets mëjjäˈäy mëjˈënäˈknë, ¿per tiko nety duˈunyëm dyajtëgoyˈaty ets tpëjtäˈägëdë wyinmäˈäny parë niˈigyë Jyobaa tmëdunët? (1 Tim. 4:16).

• 

  ¿Wiˈix nyajnigëxëˈkëm diˈibë tuunk mas jëjpˈam nyajnäjxëm?