Nobiembrë yˈitäˈäny tuˈugë kampanyë mä yajnimaytyäˈägäˈänyë Diosë yˈAnaˈam Kyutujkën

Jesus nyimaytyak “ja oybyë ayuk diˈibë nyigajxypy ja Diosë kyutujkën,” ets tyukniˈˈijxë jäˈäyëty parë tˈamdowdët ko nyuˈkxtäˈäktët (Luk. 4:43; Mat. 6:9, 10, TNM). Nobiembrë poˈo ja mä tsyokyëty nbëjtaktäˈäyëmë jot mëjääw parë ngäjpxwäˈkxëm ja Diosë yˈAnaˈam Kyutujkën (Mat. 24:14). ¿Tiko ngatukniwijtsëmë tiempë parë nduˈunëm mä tyäˈädë kampanyë nuˈun nmadakëm? Pënaty tunandëp prekursoor ausilyaar mä taabë poˈo, mbäät jeˈeyë tyundë 30 o 50 oorë.

Mä tyäˈädë kampanyë tyuˈuyoˈoyaˈany, winˈix tuˈugë tekstë diˈib myaytyakypyë Diosë yˈAnaˈam Kyutujkën ets tukwingugäjpxë nuˈunë jäˈäy xytyimpääty. Ets mä xywyinˈixy, winmay tijaty myëbëjktëbë jäˈäy mä nëjkx mgäjpxwäˈkxäˈäny. Pën yˈoymyëdoopy tuˈugë jäˈäy mä tim jawyiin xymyëtmaytyaˈaky, mmoˈoy ja rebistë La Atalaya numero 2 diˈib 2020. Netyë jatëgok xynyijëmbitët ja jäˈäy ets xyˈixët pën mbäät xyyaˈëxpëjktsondaˈaky mët tuˈugë ëxpëjkpajn diˈib miimp mä ja tuumbajn parë jäˈäy nyaˈëxpëjkëm. Tim waanë tiempë yˈakwëˈëmy parë Diosë yˈAnaˈamën Kyutujkën dyajkutëgoyaˈany niˈamukë gobiernëtëjk diˈib yä Naxwiiny (Dan. 2:44; 1 Kor. 15:24, 25). Pääty, nˈoktuˈunëm nuˈun nmadakëm mä tyäˈädë kampanyë ets duˈun ndukˈijxëmë Jyobaa ko yëˈë nbuwäˈkëm mët ja yˈAnaˈam Kyutujkën.