¡Nimaytyäˈäktë ko wingoomp ja jembyë jukyˈäjtën!

Nobiembrë poˈo, ja mä niˈamukë jäˈäy ndukmëtmaytyäˈägäˈänëm ko tim tsojkë nyajpäädäˈänëm mä ja jembyë jukyˈäjtën (Sal. 37:10, 11; Diˈibʉ Jat. 21:3-5). ¿Tiko ngatukniwijtsëm parë nduˈunëm mä tyäˈädë kampanyë? Pënaty tunandëp prekursoor ausilyaar mbäät tkëyaktë 30 o 50 oorë.

Mä duˈun nˈëwäˈkxäˈän ngäjpxwäˈkxäˈänëm, oy ko niˈamukë jäˈäy ndukwingugäjpxëm tuˈugë tekstë diˈib myaytyakypy ja jembyë jukyˈäjtën. Mä xyˈëxtäˈäy tuˈugë tekstë, ix diˈib mbäädë jäˈäy tˈoymyëdoy. Pën yˈoymyëdoopy mä tim jawyiin xymyëtmaytyaˈaky, mmoˈoyë rebistë Diˈib Xytyukˈawäˈänëm (diˈibë jäˈäy yajmoopy) numero 2 diˈib 2021. Tsojk jatëgokë jäˈäy xymyëtmaytyäˈägët ets ix pën mbäät xyaˈëxpëjktsondaˈaky mëdë foyetë Jukyˈat agujk jotkujk. ¡Jantsy agujk jotkujk nnayjyawëyäˈänëm ko nnigäjpxäˈän nimaytyäˈägäˈänëm ja “oybyë ayuk diˈib mas oy”! (Is 52:7).

KO NETY TË YAˈIJXTÄˈÄYË BIDEO TËDËN TYIM WINGON JA JEMBYË JUKYˈÄJTËN, TA YAˈˈATSOOWËMBITËDË TYÄˈÄDË YAJTËˈËWËN:

• ¿Ti ja kixyuˈunk pyawinmaapy mä ja jembyë jukyˈäjtën?

• ¿Ti niˈigyë mjantsy yˈawijxy mjantsy jyëjpˈijxypy mä ja jembyë jukyˈäjtën?

• Ko xypyawinmayët ja jembyë jukyˈäjtën, ¿wiˈix mbudëkëyaˈanyëty parë niˈigyë mˈëwäˈkx mgäjpxwäˈkxët nobiembrë poˈo? (Luk. 6:45).