NˈOKˈYAˈËXPËJKËM OYË JÄˈÄY | NNAYJYAWËDË AGUJK JOTKUJK MÄ MGÄJPXWAˈKXY
Ko yajxon tijaty xyajtëwët
Jyobaa ja “Diosë jotkujkpë”, tsyojkypy ets ndukxondakëm mä nˈëwäˈkx ngäjpxwäˈkxëm (1 Tim. 1:11, TNM). Niˈigyë ndukxondäˈägäˈänëm pën njäjtëm wiˈix mas oyë jäˈäy nmëtmaytyakëm. Ko jäˈäy tijaty nyajtëˈëwëm, mbäät xypyudëjkëm parë nyajtsondakëmë maytyaˈaky ets tˈoymyëdowët. Nan yajwinmaabyë jäˈäy ets pyudëjkëp parë tjaygyukët (Mat. 22:41-45). Pën nmëdoowˈijtëm wiˈix ja jäˈäy tˈatsoowëmbity tijaty nyajtëˈëwëm, ta tjawëyaˈany ko nmëjpëjtakëm (Sant. 1:19). Ets extëm yˈatsoowëmbity, xypyudëkëyäˈänëm parë nnijäˈäwëm ti mbäät ndukmëtmaytyakëm.
KO NETY TË YAˈIJXTÄˈÄYË BIDEO AGUJK JOTKUJK NNAYJYÄˈÄWËM KO JÄˈÄY TYËKË ËXPËJKPË. JAT WIˈIX OY XYTYUNËDË DIOSË TYUUNK: KO XYNYIWINMAYËT YAJXON TIJATY MYAJTËWAAMPY, TA YAˈˈATSOOWËMBITËDË TYÄˈÄDË YAJTËˈËWËN:
¿Ti oybyë jäˈäyˈäjtën yajnigëxëˈkë Coral?
¿Wiˈixë Rita tˈanmääyë Coral parë ttukˈijxy ko myëjpëjtakypy?
¿Ti Rita yajtëëwë Coral parë niˈigyë tnijawëyäˈänët ja Diosë yˈAyuk?
¿Ti Rita yajtëëwë Coral parë dyajwinmääy?