NˈOKˈYAˈËXPËJKËM OYË JÄˈÄY | NNAYJYAWËDË AGUJK JOTKUJK MÄ MGÄJPXWAˈKXY
Ko jäˈäy xyˈajäˈt xyjotjäˈtët
Ko nmëmëdoˈowëmë Dios, tsyoony mä jot korasoon (Prov. 3:1). Pääty ko jäˈäy nyaˈëxpëjkëm, tsojkëp nduˈunëmë mëjääw parë nˈajäjt njotjäjtëm. ¿Ti xypyudëkëyäˈänëm parë duˈun nduˈunëm?
Kyaj jeˈeyë jäˈäy xytyukniˈˈixët ja tëyˈäjtën diˈib yajpatp mä Biiblyë. Tukˈix wiˈix mbäät pyudëkëty mä jyukyˈäjtën tijaty jyajtypy ets parë niˈigyë Jyobaa tmëwingonët. Nan oy ko xytyukniˈˈixët wiˈixë Jyobaa dyajnigëxëˈëgyë tsyojkën, yˈoyjyaˈayˈäjtën ets ja tyëyˈäjtën mä xymyoˈoyëmë yˈanaˈamën. Yajtëw tsuj yajxon wiˈix tˈixy tijaty yˈëxpëjkypy ets pudëkë parë tjaygyukët wiˈix ttukˈoyˈatäˈäny ko kyaj tnekytyunët tijatyë Dios yˈaxëkˈijxypy. Jantsy agujk jotkujk mnayjyawëyaˈanyëty ko xyˈixët wiˈix ja jäˈäy diˈib myaˈëxpëjkypy ttsoky mëkë Jyobaa.
KO NETY TË YAˈIJXTÄˈÄYË BIDEO AGUJK JOTKUJK NNAYJYÄˈÄWËM KO JÄˈÄY TYËKË ËXPËJKPË. JAT WIˈIX OY XYTYUNËDË DIOSË TYUUNK: KO NˈAJÄJT NJOTJÄJTËM, TA YAˈˈATSOOWËMBITËDË TYÄˈÄDË YAJTËˈËWËN:
¿Tiko Rita dyajtëëyë Coral mä wiˈixë nety wyinmay mä diˈib nyimaytyaktë martës?
¿Wiˈixë Rita tpudëjkë Coral parë tjaygyukët ko tijatyë Jyobaa tukˈanaˈamëp yëˈë mët ko tsyokyëty?
Pën nˈajäjt njotjäjtëmë jäˈäy diˈib nyaˈëxpëjkëm, ta nëjkxë wyinmäˈäny tpëjtaˈaky parë tmëdunëdë Jyobaa.
¿Wiˈixë Rita tpudëjkë Coral parë ttukˈixëdë Jyobaa ko tsyojkypy?