WIˈIX JYUKYˈATYË DIOS MËDUUMBË
Mëjjäˈäytyëjk yëˈë tyuundëp mëdiˈibë mbäät ttukˈoyˈatyë Diosë kyäjpn
May tyamë jäˈäy tëgatsy tˈixtë pënaty myëdäjttëbë kutujkën. ¿Tiko? Yëˈko mayë jäˈäy jeˈeyë dyajtundë ja kyutujkën parë këˈëm ttukˈoyˈattë. Nuˈun kujkë xëëw tiempë pyety kyuˈty duˈunën yaˈixy (Miq. 7:3). ¡Per mä Diosë kyäjpn kyaj dyuˈunëty! Pes të yajtukniˈˈixëdë ja mëjjäˈäytyëjk ko ja kyutujkën ja mbäät dyajtundë parë tˈijxˈit tkuentëˈattët ja myëguˈuktëjk (Est. 10:3; Mat. 20:25, 26).
Yëˈë mëjjäˈäytyëjk kyaj duˈun dyajtundë ja kyutujkën extëmë naxwinyëdë jäˈäy mëdiˈibë këˈëm naymyëmääy naymyëdäjëdëp. Pes tyundë mët ko ttsoktë Jyobaa etsë myëguˈuktëjk (Fwank 21:16; 1 Peed. 5:1-3). Yëˈë nanduˈun myëmëdoowdëp extëm nyëˈëmoˈoy tyuˈumoˈoyëdë Jesus ets pyudëjkëdëbë myëguˈuktëjk parë agujk jotkujk tmëdundëdë Jyobaa ets niˈigyë tmëwingondët. Listë yajpäättë parë tmëjääwmoˈoyäˈändë. Ets ko ti yˈayoˈonbëjktaˈaky o ko ajotkumonë pën yajmënëjkxy mä doktoor, pyudëjkëdëp ja myëguˈuktëjk. Pën myajtëgoyˈajtypyë naybyudëkë tukmëtmaytyäˈäk netyë ja mëjjäˈäytyëjk (Sant. 5:14).
KO NETY TË YAˈIJXTÄˈÄYË BIDEO MËJJÄˈÄYTYËJK MËDIˈIBË YˈIJXˈIJT KYUENTËˈÄJTTËP JA MYËGUˈUKTËJK, TA YAˈˈATSOOWËMBITËT MËDIˈIBË YÄÄ YAJTËËPY:
¿Wiˈixë Mariana pyudëjkë ko ja mëjjäˈäytyëjk ojts kyuˈixëdë?
¿Wiˈixë Elías pyudëjkë ko ja mëjjäˈäytyëjk ojts kyuˈixëdë?
Extëm yam të nˈijxëmë bideo, ¿wiˈix xyˈixy ja tuunk mëdiˈibë tyuundëbë mëjjäˈäytyëjk?