¿Mjamyejtsypyë?
¿Të xykyajpxy tijaty näämnëm të pyëtsëmy mä rebistë Diˈib Xytyukˈawäˈänëm? Pën tëë, okˈixë net pën mbäät xyˈatsoowëmbity tijaty yää yajtëëpy:
¿Tiko mbäät nyajmëjpëtsëˈëmëmë Jyobaa?
Nyajmëjpëtsëˈëmëmë Jyobaa mët ko nwingutsëˈkëm mëjwiin kajaa ets mët ko ntsojkëm amumduˈukjot. Nyajmëjpëtsëˈëmëm nanduˈun mët ko ntsojkëm etsë jäˈäy yˈixyˈatëdët (w25.01, pajina 3).
Ko pën wiˈix xytyuˈunëm o xyˈanëmäˈäyëm, ¿ti xypyudëkëyäˈänëm parë nmaˈkxëm?
Kyaj yˈoyëty nguyuˈtsëm wiˈix nnayjyäˈäwëm. Ko kyaj nbëjkëˈkëm ja akë, yëˈë xypyudëkëyäˈänëm parë kyaj njukyˈäjtëm winˈak jotˈakë (w25.02, pajina 15 etsë 16).
¿Tiko Marcos dyajkyë oybyë ijxpajtën parë yaˈayˈënäˈkëty?
Marcos xëmë tpudëjkë ja myëguˈuktëjk. Waˈan tmëdäjtyë jotmay mëdiˈibë axëëk yajnayjyäˈäwë, per kyaj yaˈëxtëkëwäˈkë. Naymyaayë mëdë apostëlë Pablo ets oy yˈijty mëdë wiinkpë Diosmëduumbëty mëdiˈibë nanduˈun mëk tsyojktë Jyobaa (w25.04, pajina 27).
¿Ti Jesús myaytyäˈägan ko tˈanëmääyë Tyeety: “Tëjëts nduknijawëdë ja mxëëw”? (Juan 17:26, TNM).
Ja Jesúsë yˈëxpëjkpëty, nyijäˈäwëdëbë nety ko Dios txëwˈaty Jyobaa. Pääty, ko Jesús jyënany: “Tëjëts nduknijawëdë ja mxëëw”, yëˈë yˈandijan ko të nety ttukniˈˈixë ja yˈëxpëjkpëty wiˈix jyaˈayˈatyë Jyobaa, tijaty tyuknibëjktakëp ets wiˈix tijaty ttuny (w25.05, pajina 20 etsë 21).
Pën jäˈäyˈäjtëm yujy tudaˈaky, ¿tijaty ngupëkäˈänëm?
Ngupëkäˈänëm ko kyaj tukëˈëyë tijaty nnijäˈäwëtyaˈayëm. Ixtëm nˈokpëjktakëm, kyaj nnijäˈäwëm näˈä myinäˈäny ja kutëgoˈoyën ets wiˈixë Jyobaa xypyudëkëyäˈänëm. Kyaj nanduˈun nnijäˈäwëm ti tunan jatanëp bom wëxtëjkm ets nuˈunënë Jyobaa xyˈixyˈäjtëm (w25.06, pajina 15 axtë 18).
Ko ngäjpxëm tuˈugë artikulo o nmëdoˈowëm tuˈugë diskursë mëdiˈibë pëtsëëmp parë jäˈäy mëdiˈibë kyaj Tyestiigëty, ¿ti mbäät nduˈunëm parë xypyudëjkëm?
Oy ko nnayajtëˈëwëm: “¿Wiˈixën yä ja jäˈäy yajtukˈixy parë tmëbëkët? ¿Yajpëjktakp tuˈugë ijxpajtën mëdiˈibëts mbäät xypyudëkë parëts ndukniˈˈixëdë jäˈäy ja tëyˈäjtën? ¿Pën mëdiˈibë mbäät tˈoymyëdoy, ets näˈäts mbäät ndukmëtmaytyaˈaky?” (w25.07, pajina 19).
¿Wiˈixë Jyobaa ojts tpokymyeˈkxyë David, ets ti xytyukniˈˈijxëm?
David pokytyuun mëjwiin kajaa, per ko jyodëmbijty amumduˈukjot, ta Jyobaa ojts pyokymyeˈkxyëty (1 Rey. 9:4, 5). Ko Jyobaa xypyokymyaˈkxëm kyaj tnekyjyamyetsy ja poky kaytyey mëdiˈibë nduˈunëm parë ok xytyukkumëdowäˈänëm o xytyukwinmëdowäˈänëm (w25.08, pajina 17).
Pën ja mëdiˈibë nyaˈëxpëjkëm tsiptakxëp jam ti tkupëkët o tjaygyukët, ¿ti mbäät nduˈunëm?
Pën të yajxon njatukmëtmaytyakëm mëdë Biiblyë ets nˈijxëm ko duˈunyëm tsyiptakxëty tjaygyukët, mbäät nˈakˈyajnëjkxëm ja leksion ets ok, mbäät jatëgok nnimaytyakëm mëdiˈibë kyaj oy të tjaygyukë (w25.09, pajina 24).
¿Ti yˈandijpy ko mä Biiblyë jyënaˈany ko ja poky winˈëˈëmp? (Heb. 3:13).
Yëˈë yˈandijpy ko xytyuktunäˈänëm tijaty kyaj yˈoyëty ets xyajwinmäˈäyëm ko Jyobaa kyaj xytsyojkëm (w25.10, pajina 16).
¿Ti xypyudëkëyäˈänëm ets tukëˈëyë ndukmëtmaytyaktäˈäyëmë Jyobaa?
1)Ko nbawinmäˈäyëm wiˈixë Jyobaa jyaˈayˈaty. 2) Ko nwinmäˈäyëm jawyiin tijaty jotmay ndukmëtmaytyäˈägäˈänëm, ixtëm pën ja pën mëdiˈibë kyajnëm nbokymyaˈkxëm, ets 3) ko nmënuˈkxtakëm jeky. Pes ko jeky nmënuˈkxtakëm, mbäät ndukmëtmaytyaktäˈäyëm wiˈix nnayjyäˈäwëm (w25.10, pajina 19 etsë 20).
¿Wiˈix mbäät nbudëjkëm ja nmëguˈukˈäjtëmëty mëdiˈibë të myëjjäˈäyëndë?
Ko xëmë nguˈijxëm ets nmëgäjpxëm. Mbäät nanduˈun nbanëjkxëm mä doktoor o nbudëjkëm parë duˈunyëm yˈëwäˈkx kyäjpxwäˈkxtët (w25.11, pajina 6 etsë 7).
¿Ti mbäät ttundë ja noobyëty parë dyajmëjpëtsëmdëdë Jyobaa ja xëëw mä nety pyëktë?
Tsojkëp tmëmëdowdët ja anaˈamën mëdiˈibë pyëjktaktëp ja kuduunktëjk, nyigëxëˈëgët ja jäˈäyˈäjtënë mëdiˈibë yajkypy ja Diosë myëjääw, tsuj yajxon ets adëyë nyaywyit nyayxyoxëdët, kyaj ttundët ja kostumbrë mëdiˈibë Biiblyë yajkubojkypy ets kyäjpx myaytyäˈäktët tsuj yajxon ets wintsëˈkën myëët mä ttukniwitsëdë wiˈix pyëkäˈändë (w25.12, pajina 21 axtë 24).