“Tsoktë byeen nidëgekyë diˈibë dëˈën extëm [yëˈëjëty]”
DIˈIB wyooyoˈoytyëbë Jyobaa tyestiigëty ja tyundë mä tëdujkë komitee.a Desde 1992, twinˈijxtë mëjjäˈäytyëjk diˈib kajaa tijaty nyijäˈäwëdëp parë pyudëkëdët mä tyäˈädë komitee. Tyäˈädë nmëguˈukˈäjtëm diˈib pudëjkëdëp kyaj nyëjkxäˈändë tsäjpotm (Fwank 10:16). Yëˈëjëty tuˈukmujktëp sëmään sëmään mët ja komitee diˈib pyudëjkëdëp. Ets tnimaytyäˈäktë tijaty të tpayoˈoytyë o wiˈix mbäät tijaty yajtuny. Diˈib wyooyoˈoytyëbë Jyobaa tyestiigëty, yëˈë nyigäjpxtëp wiˈix tijaty wyingëdaˈaky, ets pënaty pudëjkëdëp yëˈë net yˈijxtëp parë duˈun yajtunët. Yëˈëjëty tyunandëp oy ti tuunk yajtuknipëktët. Nan tsoˈondëp mët Diˈib wyooyoˈoytyëbë Jyobaa tyestiigëty mäjaty tyunyëtyë asamblee internacional o especial. Ets näˈäty nan kyuˈijxëdëbë Betel ets tkudanëdë Diˈib wooyoˈoytyëp.
Tuˈugë nmëguˈukˈäjtëm diˈib pyudëjkëbë tyäˈädë komitee desde 1992, jyënaˈany ko pën yëˈë oy ttuny tijaty yajtuknipëjkp, ta Diˈib wooyoˈoytyëp mbäädë wyinmäˈäny tpëjtäˈäktë mä ja tuunk diˈibë Dios të tyuknipëkëdë. Jatuˈugë nmëguˈukˈäjtëm diˈib pyudëjkëp tyäˈädë komitee desde 20 jëmëjtëp, jyënaˈany ko ninäˈä tkawinmääy tnikëjxmˈatëdë tyäˈädë tuunk.
Diˈib wyooyoˈoytyëbë Jyobaa tyestiigëty të ttuknipëktë kanäk pëkyë tuunk pënaty pudëjkëdëp ets mëjwiin kajaa tmëjjawëdë. Seguurë ko niˈamukë mbäät nmëjjäˈäwëm ets ntsojkëm “nidëgekyë diˈibë dëˈën extëm [yëˈëjëty]” (Filipʉs 2:29).
a Jap xynyijawët wiˈix yajnimaytyaˈagyë tyäˈädë tëdujkpë komitee mä liibrë El Reino de Dios ya está gobernando, mä kapitulo 12 mä rekuäädrë jyënaˈany: “El Cuerpo Gobernante cuida de los intereses del Reino”.