¿Tiko politikëtëjk dyajnaywyäˈkxëdë jäˈäy? | ¿Wiˈixë Biiblyë tnimaytyaˈaky?

Naxwinyëdë abëtsëmy yajnaywyäˈkxëdëbë jäˈäyë politikë winmäˈäny. Mä jëmëjt 2022, tuˈugë organisasion mëdiˈibë xyëwˈäjtypy Pew Research Center ojts dyajtëëyë jäˈäy mä 19 paˈis pën yajnaywyaˈkxëdëbë politikë winmäˈäny, “ets kujkwaˈkxynyaxy jyënandë ko yëˈë mëdiˈibë yajtsiptuunëdëp”.

Mä mtsëënë, ¿nanduˈunë jäˈäy nyaynyibëdëˈëgëdë mët ko wiˈixëm ja partiidë mëdiˈibë tyukˈijtëdëp? ¿Tiko duˈun tyuny jyatyë? ¿Mbäädëdaa yˈoyë yäˈädë jotmay? Okˈix wiˈixë Biiblyë tnimaytyaˈaky.

Extëm tyamë jäˈäy jyaˈayˈattë yëˈë mëdiˈibë yajnaywyäˈkxëdëp

Biiblyë ojts tnaskäjpxë ko mä “ja tiempë mëdiˈibë jëjpkëxanëp” wiˈixëmë netyë jäˈäy jyaˈayˈatäˈändë ets ko tsipë nety tuˈugyë nyayaˈitëdët.

• “Nnijawëdë yäˈädë, ko mä ja tiempë mëdiˈibë jëjpkëxanëp tsiptäˈägäämp ets tsip nimëjääw yˈaknaxäˈäny. Mët ko ja jäˈäyëty jeˈeyë këˈëm nyaytsyokäˈänëdë, [...] kyaj nyayjyaygyukëyäˈänëdë” (2 Timoteo 3:1-3, Traducción del Nuevo Mundo).

Oy nuˈunë jäˈäy tjatundë mëjääw parë oy ja gobiernëtëjk tyundët tsiptakp duˈun tyundët. Ja ko wiˈixëm wyinmaytyë tijaty ttunäˈändë ets tsip dyajtuˈugyëdët ja wyinmäˈäny parë dyaˈoyëdët ja amay jotmay. Yäˈädë yëˈë xytyukˈijxëm ko tëyˈäjtën tijaty ojtsë Biiblyë tnaskäjpxë.

•  “Naxwinyëdë jäˈäy të dyajtuny ja madakënë mëdiˈibë myëdäjtypy mä myënaxwinyëdë jäˈäy parë tˈaxëktuny” (Eclesiastés 8:9).

Biiblyë nyigajpxypy wiˈix yˈoyëyaˈanyë yäˈädë jotmay ets ko yëˈë tuˈugë gobiernë mëdiˈibë yajjëwäˈägaampy tukëˈëyë amay jotmay mëdiˈibë tyamë naxwinyëdë jäˈäy yaˈˈayoowëdëp.

Tuˈugë yajkutujkpë mëdiˈibë myëmaapy myëdajpyë jäˈäy

Biiblyë nyigajpxy tuˈugë anaˈambë mëdiˈibë myëdäjtypy ja madakën parë dyaˈoˈoyëtyaˈayët tijaty, yäˈädë yajkutujkpë yëˈë Jesukristë. Yëˈë myëdäjtypyë mëjääw, ja kutujkën ets tsyojkënyëˈajtypy dyajminäˈänyë jotkujkˈäjtën ets tuˈugyëˈäjtën abëtsëmy naxwinyëdë.

•  “Ja oyjyaˈay pyëjjëˈëgäˈäny, ets ja tuˈugyëˈäjtën myëjwindëkëyaˈany” (Salmo 72:7).

•  “Waˈan tëgokyë yëˈë nax käjpn jam myëdundë kyubëktë mä yëˈëjën” (Salmo 72:11, Tios yˈääw yˈayuk).

Jesus yëˈë mëdiˈibë mbäät oy yˈaneˈemy mët ko myëmaapy myëdajpyë jäˈäy ets pyudëkëyaampy, per mas niˈigyë nyaytyukjotmaytyunyëty pënaty axëëk jäjt këbajttëp.

•  “Mët ko yëˈë yaˈˈawäˈätspëtsëmaambyë ayoobë jäˈäy mëdiˈibë pyëjktsoobyë naybyudëkë, nanduˈun mëdiˈibë moon tujkp ets mëdiˈibë kyaj tpääty pën pudëkëdëp. Pyaˈˈayowaampy ja mëdiˈibë kyaj ti tmëdaty tjaygyepy ets ja mëdiˈibë ayoop, ets ja ayoobë jäˈäyë jyukyˈäjtën yajnitsoˈogaampy. Yaˈˈawäˈätspëtsëmaampy mä yajtëytyuny ets mä axëëk yajtuny” (Salmo 72:12-14).

Ak nijawë niˈigyë wiˈix tyunäˈänyë Jesus mä Diosë gyobiernë mëdiˈibë yajpatp tsäjpotm ets wiˈix xytyukˈoyˈatäˈäny pën mbuwäˈkëbë yäˈädë gobiernë.

•  Ixë bideo ¿Ti yˈandijypy Diosë yˈAnaˈam Kyutujkën?

•  Käjpx nanduˈun mä jyënaˈany:“Diosë yˈAnaˈam Kyutujkën: tuˈugë gobiernë mëdiˈibë tuump tëyˈäjtën myëët”.