sinceLF/E+ via Getty Images
¡NˈOKNAYAˈIJTËM WIJY KEJY!
¿Pën kuwäˈänanëdëp ja jäˈäyëty mëdiˈibë kyaj nyëjkxtë tsiptuumbë? | ¿Wiˈixë Biiblyë jyënaˈany?
Yëˈë Naciones Unidas duˈun tnimaytyaˈaky:
7 axtë 23 äämbë oktuubrë 2023, ko tsyiptundë Gaza mëdë Israel, ja jäˈäy yˈoktë 6, 400 ets 15, 200 mëdiˈibë ojts jeˈeyë tsyayuttë, nimay yëˈë mëdiˈibë kyaj nyëjkxtë tsiptuumbë. Ets milˈam të tnikaˈaktë jyëën tyëjk.
24 septiembrë 2023, mä tsyiptundë Rusia mëdë Ucrania, jaa ojts yˈooktë jäˈäy mëdiˈibë kyaj tsyiptundë 9, 701 ets jaˈa ojts tsyayuttë 17, 748 jap Ucrania.
¿Mbäädëdaa Biiblyë tjotkujkmoˈoy pënaty kyuˈayoˈowëdëbë tsip?
Taaˈäjtp tiko nmëbëjkëm ko miimbë oybyë jukyˈäjtën
Biiblyë jyënaˈany ko Dios yajkëxaampy yajnaxaambyë tsip abëtsëmy naxwinyëdë (Salmo 46:9). Parë duˈun ttunäˈäny yëˈë yajkutëgoyaampy ja gobiernëtëjk mëdiˈibë yää naxwiiny mët yëˈëgyëjxm ja Gyobiernë mëdiˈibë yajpatp tsäjpotm (Daniel 2:44). Yëˈë Diosë gyobiernë mëdiˈibë yajminaambyë agujkˈäjt jotkujkˈäjtën.
Okˈix ti tyunaambyë Jesukristë, mëdiˈibë tuump Rey mä Diosë gyobiernë:
“Pyudëkëyaambyë ayoobë jäˈäy mëdiˈibë yˈamdoobyë naybyudëkë ets mëdiˈibë moon tujkp ets mëdiˈibë kyaj pën pudëkëdëp. Pyaˈˈayowaampy ja mëdiˈibë kyaj ti tmëdaty tjaygyepy ets ja mëdiˈibë ayoop, ets ja ayoobë jäˈäyë jyukyˈäjtën yajnitsoˈogaampy. Mä yajtëytyuny ets mä axëëk yajtuny yaˈˈawäˈätspëtsëmaampy” (Salmo 72:12-14).
Dios yëˈë yajtunaampy ja Gyobiernë parë dyajkutëgoyaˈany ja tsip etsë axëkˈäjtën mëdiˈibë jeˈeyë yajmoon yajtujkëdëbë naxwinyëdë jäˈäy ets yaˈˈayoowëdëp.
“Esë Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk adoˈonën, jaˈa ko tëgekyë diˈibë të yˈity, të jaˈa nyaxy kyexy” (Diˈibʉ Jatanʉp o Apocalipsis 21:4).
Tim tsojkë Dios dyaˈoyëyaˈany tijaty të wyindëgoy yä Naxwiiny. ¿Wiˈix nnijäˈäwëm? Jaˈko Biiblyë ojts tnaskäjpxë ko jyaˈˈatäˈänyë tsip oy myääjëty ets ko jäˈäy tsyiptunäˈändë, extëm ja nˈijxëm (Matewʉ 24:6). Tijaty ja tyam tuun jäjtëp yëˈë xytyukˈijxëm ko yëˈë ndukjukyˈäjtëm “ja tiempë mëdiˈibë jëjpkëxanëp” mä yˈakˈanaˈamdë gobiernëtëjk (2 Timoteo 3:1, Traducción del Nuevo Mundo).