Të jyëmëjtë mä tsyondaky ja tsip jap Ucrania | ¿Ti jotkujkˈäjtën yˈawäˈänëbë Biiblyë?

Biernës 24 äämbë febreerë 2023, duˈun të jyëmëjtë mä tsyondaky ja tsip jap Ucrania. Ja të yajwijtspëtsëmy të yˈooktë ets të tsyayuttë naa 300.000 soldäädëtëjk mëdiˈibë Rusia ets Ucrania ets ja nanduˈun të yˈooktë niwäˈätsjäˈäy naa 30.000. Per waˈan niˈigyë jäˈäy të yˈooktë mä yäˈädë tsip.

Jotmaymyëët njënäˈänëm ko kyaj yajnijawë näˈä kyëxäˈäny yäˈädë tsip.

• “Të jyëmëjtënë mä Rusia tnibëdëˈkyë Ucrania, per kyaj kyëxëˈëky yˈoyëyaˈany yäˈädë jotmay, pes kyaj yaˈixy pën myadaˈaky o nyayjaygyukëdë parë dyaˈoyëdët yäˈädë tsip” (NPR [radio pública nacional de Estados Unidos], 19 äämbë febreerë 2023).

Pääty tyam mayë jäˈäy myondë tyuktë ko jyaˈˈatyë yäˈädë tsip, pes nimay tkuˈayowëdë abëtsëmy nyaxwinyëdë. ¿Ti jotkujkˈäjtën yˈawäˈänëbë Biiblyë? ¿Nëjkxëp näˈä jyëjptëgoyë tsip?

Diosë tsyip yëˈë yajkutëgoyaampy ko tyamë jäˈäy tsyiptundë

Biiblyë nyimaytyakypy tuˈugë tsip mëdiˈibë naxwinyëdë jäˈäy yajnitsoˈogaampy. Yäˈädë tsip ja txëwˈaty Armajedon ets mä Apocalipsis o Diˈibʉ Jatanʉp duˈun tnimaytyaˈaky ko tsyiptunäˈäny ja “Nintsënˈäjtëm Dios diˈibë tëgekyë mëkˈäjtën myëdäjtypy” (Apocalipsis o Diˈibʉ Jatanʉp 16:14, 16). Dios yëˈë yajtunaambyë yäˈädë tsip parë dyajkutëgoyaˈany tukëˈëyë ja gobiernëtëjk mëdiˈibë jaˈäjtp yä naxwiiny mët ko yëˈë yajjaˈäjttëbë tsip. Pën mnijawëyaampy wiˈixën jyaˈˈatäˈänyë jotkujkˈäjtën ko nyaxëdë Armajedon, käjpxë yäˈädë artikulo:

• ¿Qué es el Armagedón?

• La llegada de Armagedón es una buena noticia