Jesús yëˈë yajjëjptëgoyaampy mä tyam yˈamääytyaˈaky tijaty

Ko Jesús jyukyˈajty yä Naxwiiny yajnigëxëˈëk ko mëkë nety ttsoky ja naxwinyëdë jäˈäy, mas niˈigyë mëdiˈibë nety yaˈˈamääytyaktëp tijaty ets mëdiˈibë nety axëëk jäjt këbajtëp (Mateo 9:36). Pääty axtë ojts tkuˈoogë naxwinyëdë jäˈäy (Mateo 20:28; Juan 15:13). Tim tsojk jatëgok xytyukˈixäˈänëm ko mëk xytsyojkëm, pes kom tam tyunë Rey mä ja Diosë yˈAnaˈam Kyutujkën, yajtunaampy ja myëkˈäjtën parë kyaj yˈokˈamääytyaknët tijaty abëtsëmy nyaxwinyëdë.

Jesús yëˈë yaˈˈadëwaampy mëdiˈibë ojts yajnaskäjpxë mä yäˈädë tekstë:

• ‘Nyibaayeˈeyëp ja ëyoobëjäˈäytyëjk, ets tmoˈojëty ja jotkujkˈäjtën ja yˈuˈunk yˈënäˈk’ (Salmo 72:4, Tios yˈaaw yˈayuk).

¿Wiˈix mbäät nyajnigëxëˈkëm ko nmëjjäˈäwëm ti Jesús tyuun ets ti tyunaampynyëm? Tuk pëky, yëˈë ko nnijäˈäwëmëty ja oybyë ayuk “mëdiˈibë nyimaytyakypy ja Diosë yˈAnaˈam Kyutujkën”, mëdiˈibë ojts tˈëwaˈkxy tkäjpxwaˈkxy. (Lucas 4:43) Käjpxë artikulo mëdiˈibë jënäämp ”‏¿Qué es el Reino de Dios?”‏