alfa27/stock.adobe.com
WIˈIX NDUKˈOYˈATÄˈÄNËM KO JESUS OJTS XYKYUˈOˈKËM
Jesus yëˈë yajjëjptëgoyaambyë axëkˈäjtën
Jesus nyijäˈäwëp wiˈix nnayjyäˈäwëm ko axëëk nyajtuˈunëm. Pes yajniwäämbajt, yajtsiˈk yajkojx ets nëgoogyëjxm yˈoˈky. Oyë nety kyaj tyëyˈäjtënëty extëmë jäˈäy nyiwäämbajtë, perë ojts xykyuˈayoˈowëm ets “ojts niˈamukë xykyuˈoˈk xykyutëgoˈoyëm” (Matewʉ 20:28; Fwank 15:13). Tyam, tam yˈanaˈamnë mä Diosë yˈAnaˈam Kyutujkën, ets tim tsojk dyajjëptëgoyaˈanyë axëkˈäjtën ets ak oy tijaty ttunäˈäny abëtsëmy naxwinyëdë (Isaías 42:3).
Biiblyë nyimaytyakypy wiˈix nëjkx yˈixëˈäjnë ja jukyˈäjtën yä naxwiiny ko nety ja Jesus dyajjëwaˈky ja axëëkˈäjtën:
“Axëkjäˈäy kyaj nyekyjaˈˈatäˈändë; ets xyˈixäˈäny mä nety yajpäättë, per kyaj nyekyjamˈatäˈändë. Per pënaty yujy tudaˈaky, yëˈë jyaˈˈatandëbë naxwinyëdë, ets ttukxondäˈägäˈändë mëjwiin kajaa ja tuˈugyëˈäjtën mëdiˈibë jaˈˈatäämp” (Salmo 37:10, 11).
¿Wiˈix mbäät nyajnigëxëˈkëm ko nmëjjäˈäwëm ti Jesus tyuun ets ti tyunaampynyëm? Mä Lukʉs 22:19, Jesus tˈanmääy ja yˈëxpëjkpëty ets tjamyatstët ja yˈoˈkën xëëw. Päätyënë Jyobaa tyestiigëty jëmëjt jëmëjt tjamyatstë. Myajwoowdëp määjëts njamyatsäˈändë Jesusë yˈoˈkën xëëw domingë 24 marsë, 2024.