Ets ¿ti mbäät xytyuny pën mjäˈäwëp ko kyaj amumduˈukjot xyˈokmënuˈkxtaknë Jyobaa o ko kyaj xyˈoktukxondaknë ko mnëjkxy käjpxwäˈkxpë ets ko xykyajpxyë Biiblyë? Kom pokyjyaˈay nyajpatëm, pääty kyaj wiˈixëty ko näˈäty duˈun nnayjyäˈäwëm. Pën mˈijxypy ko kyaj tijaty xyˈoktukxondaknë, oy ko xypyawinmayët ja apostëlë Pablo yˈijxpajtën. Yëˈë jyatuunë mëjääw ets xëmë tpanëjkxëdë yˈijxpajtënë Jesus, per näˈäty ojts dyajtëgoyˈaty ja naybyudëkë parë ttunët mëdiˈibë oy. Yäˈädë yëˈë yˈandijaampy ko Pablo të netyë wyinmäˈäny tpëjktaˈaky ko ttunanë ja Diosë tyuunk oy näˈäty oy kyanayjyäˈäwë. Nanduˈun mijts, këdii xynyasˈixë mmëmadäˈägëdët wiˈix näˈäty mnayjyawëty, niˈigyën mbäät ja mwinmäˈäny xypyëjktaˈaky parë xytyunët mëdiˈibë mnijäˈäwëp ko oy, oy näˈäty xykyatsojkënyëˈaty. Ko duˈun xytyunët, yëˈë mbudëkëyanëp parë kyaj duˈun mnekynyayjyawëdët (1 Cor. 9:​16, TNM). w24.03 paj. 11, 12 parr. 12, 13

Mbäät ndukˈijxëmë nmëguˈukˈäjtëm ko ntsojkëm ko tsuj yajxon nˈagëˈë nˈaxäjëm ets ko kyaj jagam jëxkëˈëm nbëjktakëm (2 Kor. 6:​11-13). Mä nduˈukmujkëm tapˈäjttëbë nmëguˈukˈäjtëm mëdiˈibë määyëm tsoˈondëp ets wiˈixëm jyaˈayˈattë. ¿Ti xypyudëkëyäˈänëm parë niˈamukë ntsojkëm? Ko yëˈëyë nˈijxëm tijaty oy tyuundëp. Mbäät nyajnigëxëˈkëm ko ntsojkëm ja nmëguˈukˈäjtëm ko nanduˈun nˈijxëm extëmë Jyobaa yˈijxëdë. Ko nety tyuˈuyeˈey ja mëj ayoˈon, jëjpˈam ets ntsojkëm ja nmëguˈukˈäjtëm. ¿Tiko? Yëˈko net nëjkxë Jyobaa xykyuwäˈänëm. Nˈokwinmäˈäyëm wiˈixë Jyobaa tˈanmääy ja kyäjpn ti tyundëp parë nyitsoˈoktët ko ja Babilonia käjpn nyidëkëdët: “Nëjkx, nnax ngäjpnëts, tëkë mä mguartë ogäjpë, ets yaˈˈadukë mdëjkˈääw. Nayuˈutsëdë jeˈeyë tuk ratë axtë ko nyaxët ja ayoˈon” (Is. 26:20). Waˈan nanduˈun nyaˈˈanëëmëyäˈänëm parë nnaybyëjkëˈkëm ko nety tyuˈuyeˈey ja mëj ayoˈon. w23.07 paj. 6, 7 parr. 14-16

Tsojkëp njäˈäyˈäjtëm yuunk naxypy. Nˈoknayajtëˈëwëm: “¿Xyˈixyˈäjttëbëts ja nmëguˈuktëjk ko kajpxyjyaygyujkëbëts, maˈkxtujkpëts ets ko mëdoowbëts? ¿O duˈunëts nyaˈixyˈaty ko kujuunëts ets ko mëkëtsë nwinmäˈäny nmëdaty? ¿Nmëdoowˈijtypyëts wiˈixëts ja nmëguˈuktëjk wyinmaytyë ets ngupëjkypyëts extëm tijaty ttunäˈändë pën nˈijxypyëts ko oybyëtsëmäämp?”. Ko njäˈäyˈäjtëm yuunk naxypy yëˈë nety nyajnigëxëˈkëm ko duˈun njäˈäyˈäjtëm extëmë Jyobaa mëdë Jesus. Ko tyëgatsëdë jukyˈäjtën, tsojkëp ngupëjkëm ets nˈijxwëˈëmëm. Mbäät ajotkumonë nbatëm ja amay jotmay, extëm ko nˈyuubajt nbäˈämbajtëm, yˈamääytyaˈaky ja meeny sentääbë o tyëgatsy ja gobiernë. Mbäädë net nbatëm ja amay jotmay extëm kyaj ndimyˈëwxijt ndimyjyëjpˈijxëm (Ecl. 9:11). Axtë mbäät nanduˈun xytsyiptakxëm ko nyajkajxëm wiinktsoow Diosmëduumbë, per mbäät nˈijxwëˈëmëm. Taxk pëky mëdiˈibë xypyudëkëyäˈänëm: 1) ngupëjkëm wiˈix të tyëgatsy ja jukyˈäjtën, 2) jamyë nbëjktakëm ja winmäˈäny mä tijaty tyam mbäät nduˈunëm ets kyaj mä mëdiˈibë të nyaxy, 3) nwinmäˈäyëm tijaty oy të nduˈunëm ets 4) nbudëjkëm ja nmëguˈukˈäjtëm. w23.07 paj. 21, 22 parr. 7, 8