Ninuˈun nDiosmëduˈunëm, mbäädë Jyobaa nmoˈoyëmë wintsëˈkën. ¿Wiˈix mbäät duˈun nduˈunëm? Ko nnasˈijxëmë xëëw tiempë, jot mëjääw ets ja meeny sentääbë parë nduˈunëmë Diosë tyuunk. Pën yëˈë nmoˈoyëmë Jyobaa mëdiˈibë niˈigyë nyajtsobatëm, yëˈë nety nyajnigëxëˈkëm ko nmëjjäˈäwëm ko mbäät nmëduˈunëm. Apostëlë Pablo kanäk pëky ojts tnigajpxy wiˈixën mbäät nDiosmëduˈunëm ets ko ninäˈä mbäät njäˈäytyëgoˈoyëm (Eb. 10:​22-25). Extëm nˈokpëjktakëm, jyënany ko jëjpˈam nmënuˈkxtakëmë Jyobaa, nˈëwäˈkx ngäjpxwäˈkxëm ets nnaymyëjääwmoˈoyëm nixim niyam, ets “waanë niˈigyë tyam, mët ko tyimpatnëp” mä myinäˈänyë Jyobaa myëjxëëw. Mä jyëjpkëjxnë Diˈibʉ Jatanʉp, jap tuˈugë anklës jyënany: “¡Awdat ja Dios!”. Ets majtskˈokën duˈun jyënany, yäˈädë yëˈë yˈandijpy ko jëjpˈamën duˈun yajtunët (Diˈibʉ Jat. 19:10; 22:9). Ninäˈä mbäät ngajäˈäytyëgoˈoyëm ko të nnijäˈäwëm nëˈpäät këkpäät ti yˈandijpy ja templë mëdiˈibë Jyobaa jyaˈäjtypy ets ko të tnasˈixë parë mbäät nˈawdäjtëm extëm të ttuknibëjktäägë. w23.10 paj. 29 parr. 17, 18

Tsojkëp niˈamukë nguytyuˈunëmë yäˈädë anaˈamën: “Nˈoknaytsyojkëm nixim niyam”. Per nˈokjamyajtsëm extëmë Jesus jyënany: “Kyaj ja jäˈäyëty tnekymyëdattët ja tsojkën nixim niyam” (Mat. 24:12). Ko duˈun jyënany kyaj nety yëˈë tmaytyäˈägäˈäny ko ja yˈëxpëjkpëty kyaj nyekynyaytsyokäˈänëdë. Per oy ko nnaygyuentëˈäjtëm parë kyaj njäˈäyˈäjtëm extëmë naxwinyëdë jäˈäy mëdiˈibë kyaj ttsoktë myëguˈuktëjk. Min net nˈoknimaytyakëm wiˈix mbäät nnijäˈäwëm pën duˈunyëmë nmëguˈukˈäjtëm ntsojkëm. Tuk pëky wiˈix mbäät nnijäˈäwëm pën duˈunyëmë nmëguˈukˈäjtëm ntsojkëm, yëˈë ko nbudëjkëm ko jam ti jotmay kyëxëˈëgët (2 Kor. 8:8). Apostëlë Pedro ojts tuk pëky tnigajpxy wiˈix mbäät duˈun nduˈunëm. Jyënany: “Pääty waˈan tˈity [ . . . ] niˈigyë tsojkën mä miitsëty, mët ko mä jäˈäy nyaytsyokëdë, may ja peky nyaytyuknimaˈxëdë” (1 Peed. 4:8). Pääty ja mbäät nyajnigëxëˈkëm pën duˈunyëm ja nmëguˈukˈäjtëm mëk ntsojkëm ko jam muum tyëgoytyët o jam wiˈix xytyuˈunëm. w23.11 paj. 10, 11 parr. 12, 13

Pën jeˈeyë ntsojkëm winˈixy wingexy ja nmëguˈukˈäjtëm kyaj nety nguytyuˈunëm extëmë Jesus ojts tniˈanaˈamë. Per näˈäty mä nduˈukmujkëm, mbäät jyapˈatyë nmëguˈukˈäjtëm mëdiˈibë niˈigyë nˈoyjyäˈäwëm, duˈun extëmë Jesus tam ja yˈapostëlë mëdiˈibë yˈoyjyäˈäwë (Fwank 13:23; 20:2). Perë apostëlë Pedro ojts tnigajpxy ko jëjpˈam ets niˈamukë ja nmëguˈukˈäjtëm ntsojkëm extëm jyawë ndukkaˈaxˈäjtëm (1 Peed. 2:17). Pedro duˈun jyënany: “Mët winë mjot mnaytsyokëdët nixim niyam, extëm jyawë mdukkaˈaxˈattë” (1 Peed. 1:22). Ko duˈun jyënany, yëˈëjën myaytyäˈägan ko tsojkëp niˈamukë jäˈäy ntsojkëm axtë mëdiˈibë xytsyiptakxëm. Extëm nˈokpëjktakëm, ko tuˈugë nmëguˈukˈäjtëm axëëk xyajnayjyäˈäwëm o axëëk xytyuˈunëm, tsiptakp ntsojkëm ets nanduˈun ndukmëjëmbitäˈänëm, perë Pedro ttukniˈˈixë Jesus ko Jyobaa kyaj tkupëkäˈäny ko duˈun njäˈäyˈäjtëm (Fwank 18:​10, 11). Päätyë Pedro tkujäˈäyë: “Ninäˈä xykyayajjëmbittët axëëk ko pën axëëk mdunëdët, es ni xykyaˈoojëmbittët ko pën mˈoojëdët. Nik niˈigyë kunuˈxtë” (1 Peed. 3:9). Pën mëk ja mjëëky mmëguˈuk xytsyoky, ta mˈoyjyaˈaytyäˈägäˈäny mët oytyim pënëty. w23.09 paj. 28, 29 parr. 9-11