Mworoto jwa Ũtũũro Nĩmbi?

Ũrĩa Bibiria yugaga

Kĩũria kĩegie mworoto jwa ũtũũro, nĩ kiũragua na njĩra mwanya mwanya ta, nĩkĩ tũrĩ mwoyo? kana ũtũũro bwakwa rĩ, bũrĩna mworoto jũrĩkũ? Bibiria yonanagia atĩ mworoto jwa ũtũũro bwetũ nĩ gũkũria ũcoore bwa akuĩ amwe na Mũrungu. Thũgaanĩria mma imwe cia gĩtũmi irĩa Bibiria yonanagia.

• Mũrungu nĩwe Mũũmbi weetũ. Bibiria yugaga ũjũ: “Ni We watuumbire, twi turi bawe, turi antu bawe.”—Zaburi 100:3; Kugwurirwa 4:11.

• Mũrungu arĩna mworoto jwa into birĩa bionthe ombĩte, o amwe natwĩ.—Isaya 45:18.

• Mũrungu atũũmbĩte tũrĩna ‘ũbatu bwa gĩkĩrundu,’ bwegie kwenda kũmenya mworoto jwa ũtũũro. (Mathayo 5:3) Arĩenda batuĩ tũũjũrie wendi bũu.—Zaburi 145:16.

• Nĩtwiingagia ũbatu bwetũ bwa gĩkĩrundu na njĩra ya gũkũria ũcoore amwe na Mũrungu. Kinya kethĩra ĩthũgaanio rĩu rĩa kwaa mũcoore wa Mũrungu rĩonekaga teka rĩtĩũmbĩka, Bibiria nĩtwejaga ũrikithia bũbũ: “Thengeereni Murungu, nawe akabuthengeera.”—Jakubu 4:8; 2:23.

• Nĩkenda twaa acoore ba Mũrungu, no mwanka tũtũũre kũringana na mworoto jwawe. Bibiria nĩgwetete mworoto jũjũ kĩrĩ Mutumiiria 12:13: “Kiraga Murungu na umenyagiire mawatho jawe; tontu buu bunka aki nibu bwagirite kiri muntu.”

• Ĩgiita rĩĩjĩte, tũkagwĩrĩrua mworoto jwa Mũrungu na njĩra ĩnene mono rĩrĩa akathiria mĩthangĩko yonthe na ae acoore baawe barĩa bamũthathayia mwoyo jwa kenya na kenya.—Zaburi 37:10, 11.