Ĩthĩrwa na Kĩao

Ũrĩa Jesũ Aathithĩrie

VIDIO: Jesũ Kworia Muntũ Waarĩ Mũtumumu

1. Tega VIDIO ĩjĩ, kana ũthoome Johana 9:1-7. Rĩu ũcookie biũria bibi bithingatĩte:

1. Nĩmbi Jesũ aathithĩrie mbere—nĩ kworia muntũ ũu waarĩ mũtumumu kana nĩ kũmũtũmĩrĩria nkuma ĩnjega?—Tega Johana 9:35-38.

2. Ũrĩthũgaania nĩkĩ muntũ mũrũme ũu eendere kũthikĩĩra Jesũ?

Nĩmbi Tũkwiritana Kuumania na Jesũ?

2. Kwombĩka muntũ akenda mono kũthikĩĩra ntũmĩĩri yeetũ kethĩra akoona nĩ tũkũmũmakĩra.

Igerekanie na Jesũ

3. Onania nũkũmakĩra ũrĩa ũkwaria nawe. Geria kũthũgaania ũrĩa akwigua.

1. Ciũrie: ‘Nĩmbi biũmba kwĩthĩrwa bikĩmũcumburaga? Nĩmbi biũmba kũmũteethia na kũmũkucĩĩria?’ Gũciũria biũria biu gũgagũtethia kwonania kĩao kuuma nkorone ũtĩgũciethia.

2. Onania nũkũmakĩra ũntũ bũrĩa bũrĩ bwa gĩtũmi kĩrĩ muntũ na njĩra ya kũmũthikĩĩra. Akeja gũkwĩra ũrĩa akwigua bwegie ũntũ bũnna, kana agakũmenyithia thĩĩna ĩrĩa agũkũrũkĩĩra, arĩĩrieni ũntũ bũu na menya ũgarũra rwaria.

4. Aria ũrĩ na kĩao na gĩtĩĩo. Rĩrĩa waigĩĩrua muntũ kĩao na kamma wenda kũmũtethia, ũntũ bũu nĩbwonekaga gũkũrũkĩĩra njĩra ĩrĩa ũkwaria nayo. Menyeera njĩra yaaku ya kwaria na ũtaare biugo biaku bwega, na ũciebanie na rwaria rũrĩa rũũmba kũthũũria muntũ.

5. Tetheeria antũ. Geria gũcwa mantũ jarĩa ũũmba kũthithĩria muntũ ja kũmũtethia. Kũthithĩria muntũ ũntũ bwa kũmũtethia no gũtũme akenda kwaranĩria natuĩ.