Jesũ Nũũ?

Jehova natũmĩre Jesũ nthĩgũrũne. 1 Johana 4:9

Kethĩra nĩtũkwenda kũgwĩria Jehova, no mwanka tũthikĩĩre mũntũ ũngĩ wa gĩtũmi mono. Karaja mbere ya kũũmba Adamu, kũrĩa ĩgũrũ Jehova noombĩre mũntũ ũrĩ na inya wa kĩrundu.

Nyumene, Jehova natũmĩre ũjũ aciarwe Bethlehemu nĩ mwarĩ wetagwa Maria, ũtaarĩ akũmaama na muntũ mũrũme. Mwana ũu naerwe riĩtwa Jesũ.—Johana 6:38.

Arĩ muntũ nthĩgũrũne Jesũ noonanĩrie na njĩra ĩmbũjũru ũrĩa Mũrungu akari. Nathengerekaga, aarĩ na kiao, na wendo. Narĩtanire bangĩ ũmma bwa Jehova atĩ na ũguaa.

Jesũ nathithagia bwega ĩndĩ nathũũrĩrwe. 1 Petero 2:21-24

Jesũ noragia barĩa baajitue na akarĩũkia bamwe barĩa baakuĩte.

Atongeerĩa ba dini nĩbathũũrĩre Jesũ tontũ naguũraga mooritani jao ja ũrongo na njĩra ciao inthũku.

Atongeerĩa ba dini nĩbatũmĩĩre Aroma baũra Jesũ na bamũraga.