Basio Gari

Iesu be Dahaka E Kara?

VIDIO: Iesu ese Sakaio E Haroro Henia

1. VIDIO ba itaia, eiava Luka 19:​1-7 ba duahidia. Bena ini henanadai ba haerelaidia:

1. Dahaka dainai taunimanima haida ese Sakaio na asie ura henia?

2. Dahaka dainai Iesu ese sivarai namona e harorolai henia?

Iesu Ena amo Dahaka Ta Dibamu?

2. Taunimanima iboudiai ediai basileia sivaraina baita harorolaia helaoreana, ḡau badana na basita gari.

Iesu Ba Tohotohoa

3. Iehova enai ba tabekau. Dirava ena lauma helaḡa ena heduru dainai Iesu na asi garina ida e haroro, oi danu unu be durumu tomamu. (Mat. 10:​19, 20; Luka 4:18) Iehova ba noia baine durumu unu amo o gari henidiamu taudia ba haroro henidia.—Apos. 4:29.

4. Taunimanima na toadia daidiai basioto basie kamonaimu. Taunimanima haida na toadia, edia taḡa, aonega bona edia tomadiho dainai reana ihereva henidia na baita garimu. To ba helalotao:

1. Iehova bona Iesu sibodia mo taunimanima kudoudia e itamu.

2. Herevana ia be taunimanima ede bamona, Iehova ese baine bogaia hisi diba.

5. Basio gari, ba hemataurai bona ba henahua toho. (Mat. 10:16) Namona na basio hepapahuahu. Bema o hereva heniamu tauna na se uramu sivarai namona baine kamonaia, eiava o dibamu ḡau dikana ta na be varamu, mai hematauraimu ida emui herevahereva ba hadokoa bena ba raka oho.—Her. 17:14.