Hereva Kwaradia Edia List

Oi be Iehova enai gwauhamata hida vada o kara? Tamona, rua, eiava momo? Oi o laloamu unu gwauhamata be o hamomokanidiamu, eiava? Emu mauri ihenina gwauhamatana eiava emu headava gwauhamatana be ede o laloa tomamu? Ina stadi ai Iefeta bona Hana edia sivarai baita herevalaimu, una ese ita be durudamu edena dalai baita hekwarahi eda gwauhamata Dirava enai baita hamomokania totona.

Nega momo ita na Iehova ese Paradaiso ai baine henida ḡaudia ta lalodiamu, to ina stadi ai, Ia ese be haoremu ḡaudia baita herevalaimu. Iehova be dahaka ḡau be kokidiamu, unu amo tanobada ai maino bona moale be varamu? Una henanadai edia haere baita lalodiamu karana ese eda abidadama be hagoadaiamu bona be durudamu baita haheauka totona.

Bema ta laloamu ita na haida ese e hahemaoro henida kerere eiava ta itaia haida ediai una na e vara, una ese eda abidadama, manau karana, bona Dirava ibadinana karana na be tohoamu. Ini stadi ruaosi ai Baibul sivaraidia toi baita herevalaimu, bona unu ese ita be durudamu Iehova ena hahemaoro maoromaoro dalana baita badinaia totona.

Iehova na heḡereḡere vaitani; to ia na e moalemu bema e itadamu ena lohia dalana ta badinaiamu. Hahemaoro Taudia karoa 4 bona 5 ai be hahedinaraiamu, mai eda ura ida Iehova ena haheḡani baita badinadiamu neganai, Ia ese una na be laloa badamu.