Emu Ruma Bese Ba Durua Iehova Bae Laloatao

Iehova ese Ieremia e siaia Iuda taudia baine hadibadia idia na dika be davarimu badina edia Dirava, Iehova, vada e laloa boio. (Ie 13:25) Dahaka dainai idia ese Dirava e laloa boio? Israel taudia momo na ruma bese ena tomadiho asie karava. Oibe, ruma kwaradia momo na Iehova ese Deuteronomi 6:5-7 ai e gwauraia haheḡanina na asie badinaiava.

Hari, lauma dalanai e goadamu ruma besedia ese eda kongrigeisen e duruamu bona e hagoadaiamu. Ruma bese ta ese Iehova baine laloatao diba, bema ruma kwarana na hanaihanai Ruma Bese ena Tomadiho baine karaia namonamo. (Sa 22:27) Vidio ta (“Ini Hereva . . . Na Lalomu ai Do Bae Mia”​—Ruma Bese Intaviu Henidia) ba itaia murinai, ini henanadai ba haerelaidia:

• Haida be edena dalai ruma bese ena tomadiho e hadikamu ḡaudia e hanaidia?

• Ruma Bese ena Tomadiho baita karaia hanaihanai ena namo haida be dahaka?

• Ruma bese ena tomadiho e hadikamu ḡaudia haida be dahaka, bona ede baita hanaidia toma?